Jańa seh Kentaý qalasy Shaǵa aýylynda 2020 jyly iske asady. Jobanyń quny 3 652,6 mln teńge, ashylǵanda turaqty jumys orny 100 adamdy qamtymaq. Jylyna 4500 tonna ekstra klasty sút óndirý josparlanýda.
Ǵylym men bilimge negizdelgen jıynǵa Túrkistan oblysynyń ákimi Ómirzaq Shókeev, QR ASHM ókilderi, oblystyq máslıhat depýtattary, ǵylymı ınstıtýttar basshylary, ǵalymdar, basqarma basshylary, aýdan jáne qala ákimderi, agroqurylym basshylary men kásipkerler qatysty.
Jıynda ár aýdan men qaladan ákelingen ónim túrlerinen kórmesi uıymdastyryldy. Semınarda Túrkistan qalasy azyq-túlik beldeýi sheńberinde, sý nysandary boıynsha iske asyrylyp jatqan jobalar men aýyl sharýashylyǵy salasy kórsetkishteri tanystyryldy.
Semınar-keńestiń ashylýynda sóz alǵan oblys ákimi Ómirzaq Shókeev QR Úkimet tarapynan bekitilgen «Túrkistan oblysynyń áleýmettik-ekonomıkalyq damytýdyń 2024 jylǵa deıingi keshendi jospary» aıasynda óńirde agrarlyq salaǵa úlken basymdylyq berilip otyrǵandyǵyn atap, buryn Túrkistan jasyl jelekti qala bolǵan, sony qalpyna keltirýimiz kerek. Sondaı-aq demalys aımaqtardy kóbeıtip salýdyń mańyzan toqtaldy.
Respýblıkalyq semınar-keńeste jańa tehnologıalardy qoldanyp, búginde mol ónim alǵan sharýalar óz tájirıbelerimen bólisti.
Sharýalardyń basym kópshiliginde sý máselesi ózekti bolǵandyqtan, oblys ákiminiń qoldaýymen búgingi tańda keshendi jospar aıasynda aǵyn sý máselelerin shesheý maqsatynda jalpy quny 29,3 mlrd teńge quraıtyn 4 jobany júzege asyrý jumystary bastalǵan. Atalǵan jobalardy iske asyrý nátıjesinde sharýalarǵa jetkiziletin aǵyn sý kólemi ulǵaıyp, sýarmaly jerlerdi sýmen qamtamasyz etý deńgeıi jaqsarylmaq.
Máselen, Túrkistan qalasy aýmaǵynan radıýsy 15 shaqyrymda azyq-túlik beldeýi 2 kezeńde ıntensıvti tehnologıalardy qoldana otyryp jáne ǵalymdardyń súıemeldeýimen júzege asyrylýda. Búgingi tańda keshendi jospar boıynsha jalpy quny 63 mlrd teńgeni quraıtyn 7 iri ınvestısıalyq jobalardy iske asyrý boıynsha jumystar júrgizilýde. Nátıjesinde jyl saıyn qosymsha 30 mlrd teńge aýyl sharýashylyǵy ónimi óndirilip, 2500 astam jańa jumys oryndary ashylatyn bolady.
Budan bólek, azyq-túlik beldeýi sheńberinde 10 000 basqa arnalǵan bordaqylaý alańyn salý («Sıtı Stroı» JSHS), jyldyq qýattylyǵy 20 myń.tonna etti baǵyttaǵy qus fabrıkasy («Standart oıl» JSHS), 500 gektar zamanaýı jylyjaı kesheshi (YDA INSAAT túrik kompanıasy) jobalary daıyndalýda. Jalpy bul jobalar arqyly Túrkistan qalasyn azyq-túlik beldeýin qalyptastyrýdan bólek, jasyl beldeý júıesi qurylyp, Túrkistan qalasynyń klımatyn jaqsartýǵa, oblys ortalyǵynda halyqtyń ómir súrý qolaılyǵy deńgeıin kóterýge qol jetkizilmek.
Sondaı-aq, shara aıasynda «Túrkistan – Agro XXI» JSHS-niń «1200 basqa arnalǵan sút taýarly fermasy» kesheniniń irgetasyna kapsýla ornatyldy. «Rota Guido» ıtalıa tehnologıasymen jumys isteıtin jobanyń jalpy quny quny 3,7 mlrd teńge. Seriktestik jobanyń alqashqy kezeńin (600 basqa) 2020 jyldyń tamyz aıynda tolyǵymen iske qosýdy josparlaýda.
Túrkistan oblysy ákiminiń baspasóz qyzmeti
Taǵy oqyńyz:
https://dalanews.kz/46522
