جاڭا سەح كەنتاۋ قالاسى شاعا اۋىلىندا 2020 جىلى ىسكە اسادى. جوبانىڭ قۇنى 3 652،6 ملن تەڭگە، اشىلعاندا تۇراقتى جۇمىس ورنى 100 ادامدى قامتىماق. جىلىنا 4500 توننا ەكسترا كلاستى ءسۇت ءوندىرۋ جوسپارلانۋدا.
عىلىم مەن بىلىمگە نەگىزدەلگەن جيىنعا تۇركىستان وبلىسىنىڭ اكىمى ءومىرزاق شوكەيەۆ، ق ر اشم وكىلدەرى، وبلىستىق ءماسليحات دەپۋتاتتارى، عىلىمي ينستيتۋتتار باسشىلارى، عالىمدار، باسقارما باسشىلارى، اۋدان جانە قالا اكىمدەرى، اگروقۇرىلىم باسشىلارى مەن كاسىپكەرلەر قاتىستى.
جيىندا ءار اۋدان مەن قالادان اكەلىنگەن ءونىم تۇرلەرىنەن كورمەسى ۇيىمداستىرىلدى. سەميناردا تۇركىستان قالاسى ازىق-تۇلىك بەلدەۋى شەڭبەرىندە، سۋ نىساندارى بويىنشا ىسكە اسىرىلىپ جاتقان جوبالار مەن اۋىل شارۋاشىلىعى سالاسى كورسەتكىشتەرى تانىستىرىلدى.
سەمينار-كەڭەستىڭ اشىلۋىندا ءسوز العان وبلىس اكىمى ءومىرزاق شوكەيەۆ ق ر ۇكىمەت تاراپىنان بەكىتىلگەن «تۇركىستان وبلىسىنىڭ الەۋمەتتىك-ەكونوميكالىق دامىتۋدىڭ 2024 جىلعا دەيىنگى كەشەندى جوسپارى» اياسىندا وڭىردە اگرارلىق سالاعا ۇلكەن باسىمدىلىق بەرىلىپ وتىرعاندىعىن اتاپ، بۇرىن تۇركىستان جاسىل جەلەكتى قالا بولعان، سونى قالپىنا كەلتىرۋىمىز كەرەك. سونداي-اق دەمالىس ايماقتاردى كوبەيتىپ سالۋدىڭ ماڭىزان توقتالدى.
رەسپۋبليكالىق سەمينار-كەڭەستە جاڭا تەحنولوگيالاردى قولدانىپ، بۇگىندە مول ءونىم العان شارۋالار ءوز تاجىريبەلەرىمەن ءبولىستى.
شارۋالاردىڭ باسىم كوپشىلىگىندە سۋ ماسەلەسى وزەكتى بولعاندىقتان، وبلىس اكىمىنىڭ قولداۋىمەن بۇگىنگى تاڭدا كەشەندى جوسپار اياسىندا اعىن سۋ ماسەلەلەرىن شەشەۋ ماقساتىندا جالپى قۇنى 29،3 ملرد تەڭگە قۇرايتىن 4 جوبانى جۇزەگە اسىرۋ جۇمىستارى باستالعان. اتالعان جوبالاردى ىسكە اسىرۋ ناتيجەسىندە شارۋالارعا جەتكىزىلەتىن اعىن سۋ كولەمى ۇلعايىپ، سۋارمالى جەرلەردى سۋمەن قامتاماسىز ەتۋ دەڭگەيى جاقسارىلماق.
ماسەلەن، تۇركىستان قالاسى اۋماعىنان راديۋسى 15 شاقىرىمدا ازىق-تۇلىك بەلدەۋى 2 كەزەڭدە ينتەنسيۆتى تەحنولوگيالاردى قولدانا وتىرىپ جانە عالىمداردىڭ سۇيەمەلدەۋىمەن جۇزەگە اسىرىلۋدا. بۇگىنگى تاڭدا كەشەندى جوسپار بويىنشا جالپى قۇنى 63 ملرد تەڭگەنى قۇرايتىن 7 ءىرى ينۆەستيسيالىق جوبالاردى ىسكە اسىرۋ بويىنشا جۇمىستار جۇرگىزىلۋدە. ناتيجەسىندە جىل سايىن قوسىمشا 30 ملرد تەڭگە اۋىل شارۋاشىلىعى ءونىمى ءوندىرىلىپ، 2500 استام جاڭا جۇمىس ورىندارى اشىلاتىن بولادى.
بۇدان بولەك، ازىق-تۇلىك بەلدەۋى شەڭبەرىندە 10 000 باسقا ارنالعان بورداقىلاۋ الاڭىن سالۋ («سيتي ستروي» ج ش س)، جىلدىق قۋاتتىلىعى 20 مىڭ.توننا ەتتى باعىتتاعى قۇس فابريكاسى («ستاندارت ويل» ج ش س)، 500 گەكتار زاماناۋي جىلىجاي كەشەشى (YDA INSAAT تۇرىك كومپانياسى) جوبالارى دايىندالۋدا. جالپى بۇل جوبالار ارقىلى تۇركىستان قالاسىن ازىق-تۇلىك بەلدەۋىن قالىپتاستىرۋدان بولەك، جاسىل بەلدەۋ جۇيەسى قۇرىلىپ، تۇركىستان قالاسىنىڭ كليماتىن جاقسارتۋعا، وبلىس ورتالىعىندا حالىقتىڭ ءومىر ءسۇرۋ قولايلىعى دەڭگەيىن كوتەرۋگە قول جەتكىزىلمەك.
سونداي-اق، شارا اياسىندا «تۇركىستان – اگرو XXI» ءجشس-نىڭ «1200 باسقا ارنالعان ءسۇت تاۋارلى فەرماسى» كەشەنىنىڭ ىرگەتاسىنا كاپسۋلا ورناتىلدى. «Rota Guido» يتاليا تەحنولوگياسىمەن جۇمىس ىستەيتىن جوبانىڭ جالپى قۇنى قۇنى 3،7 ملرد تەڭگە. سەرىكتەستىك جوبانىڭ القاشقى كەزەڭىن (600 باسقا) 2020 جىلدىڭ تامىز ايىندا تولىعىمەن ىسكە قوسۋدى جوسپارلاۋدا.
تۇركىستان وبلىسى اكىمىنىڭ باسپا ءسوز قىزمەتى
تاعى وقىڭىز:
https://dalanews.kz/46522
