Túrkistan oblysynyń «Ashyq ákimdik» keńsesinde jii jeke qabyldaý ótkizilip, turǵyndar ótinishi zań aiasynda sheshimin taýyp keledi. Búgin oblys ákiminiń orynbasary Beisen Tájibaev bekitilgen kestege sáikes qoǵamdyq qabyldaý ótkizdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Beisen Tájibaevpen kezdesýge kelgen azamattar máselelerin ortaǵa salyp, ózderin alańdatqan máselelerdi aitty.
Túrkistandyq turǵyn mektepterde ystyq tamaq boiynsha konkýrsqa qatysý jaiyn surasa, endi biri inkliýzivti orta qalyptastyrý baǵytynda usynysyn jetkizdi.
Al jastar ózderi qyzyǵa tamashalaityn «Jaidarman» oiyndaryna qoldaý kórsetýdi ótindi. Shymkent qalasynan jazylǵan azamat Túrkistan qalasynda týrizm salasyn damytý boiynsha usynystaryn aitty.
Taǵy bir azamat «Mádeni muraǵa» qatysty máselesin aityp, jer telimin rásimdeýdi surady. Sondai-aq, negizsiz jumystan bosatylǵan turǵyn óz narazylyǵyn bildirdi.
Jeke qabyldaýǵa tiisti basqarma ókilderi de qatysyp, qordalanǵan máselelerdiń júieli sheshimin tabýǵa atsalysty.
Beisen Dáýletuly oblys turǵyndarynyń ótinishterin muqiiat tyńdap, zańdy sheshilý joldaryn túsindirdi. Sonymen qatar tiisti sala mamandaryna keibir máselelerdiń zańdylyǵyn qarap, ońtaily sheshimin qarastyrýdy tapsyrdy.
