Túrkistan óńirinde meditsina jáne bilim nysandarynyń qurylysy qarqyndy júrip jatyr. Ol jumystar jiti qadaǵalaýǵa alynǵan. Oblys ákiminiń orynbasary Beisenbai Tájibaev Ordabasy aýdanyna jumys saparymen baryp, qurylysy júrip jatqan áleýmettik nysandardy aralady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Atap aitar bolsaq, Beisenbai Tájibaev Ordabasy aýdanyndaǵy Qarabastaý, Bógen jáne Eńbekshi eldi mekenderindegi feldsherlik akýsherlik pýnktiń qurylysyn, sondai-aq Kóltoǵan aýylyndaǵy mekteptiń kúrdeli jóndeý jumystaryn baqylap kórdi.
«Aýylda densaýlyq saqtaýdy jańǵyrtý» ulttyq pilottyq joba aiasynda Ordabasy aýdanynda 1 dárigerlik ambýlatoriia (Bógen aýyldyq okrýgi, Bógen aýylyndaǵy DA qurylysy), 2 feldsherlik-akýsherlik pýnkt qurylysy (Badam aýyldyq okrýgi, Qarabastaý aýylyndaǵy FAP, Tórtkól aýyldyq okrýgi, Eńbekshi aýylyndaǵy FAP) júrýde. Búgingi tańda atalǵan 3 joba boiynsha memlekettik satyp alý konkýrsynyń nátijesine sáikes jeńimpaz mekeme anyqtalyp, qurylys-montajdaý jumystaryn atqarýda.
Oblys ákiminiń orynbasary merdiger mekemelerge ǵimarattardyń qurylysyn sapaly júrgizý, jumys kestesine sai aiaqtaý, jumysqa jergilikti turǵyndardy tartý týraly tapsyrmalar berdi.
2023 jyly jergilikti biýdjet qarajaty esebinen rezidentýrada meditsinalyq kadrlardy daiarlaýǵa 60 grant bólinip, 40 úmitker ótinim bildirgen. Qazirgi tańda, 37 úmitker meditsina salasy boiynsha bilimin jetildirýde.
Al biylǵa jergilikti biýdjet qarajaty esebinen rezidentýrada meditsinalyq kadrlardy daiarlaýǵa 139 grant bólinip otyr. Osy qadam arqyly akýsherler, ginekologtar, allergologtar, immýnologtar, anesteziologtar men reanimatologtar, neirohirýrgtar, balalar hirýrgtary, gastroenterologtar jáne ózge de mamandar daiarlanady.
