تۇركىستان وڭىرىندە مەديسينا جانە ءبىلىم نىساندارىنىڭ قۇرىلىسى قارقىندى ءجۇرىپ جاتىر. ول جۇمىستار ءجىتى قاداعالاۋعا الىنعان. وبلىس اكىمىنىڭ ورىنباسارى بەيسەنباي تاجىبايەۆ ورداباسى اۋدانىنا جۇمىس ساپارىمەن بارىپ، قۇرىلىسى ءجۇرىپ جاتقان الەۋمەتتىك نىسانداردى ارالادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
اتاپ ايتار بولساق، بەيسەنباي تاجىبايەۆ ورداباسى اۋدانىنداعى قاراباستاۋ، بوگەن جانە ەڭبەكشى ەلدى مەكەندەرىندەگى فەلدشەرلىك اكۋشەرلىك پۋنكتىڭ قۇرىلىسىن، سونداي-اق كولتوعان اۋىلىنداعى مەكتەپتىڭ كۇردەلى جوندەۋ جۇمىستارىن باقىلاپ كوردى.
«اۋىلدا دەنساۋلىق ساقتاۋدى جاڭعىرتۋ» ۇلتتىق پيلوتتىق جوبا اياسىندا ورداباسى اۋدانىندا 1 دارىگەرلىك امبۋلاتوريا (بوگەن اۋىلدىق وكرۋگى، بوگەن اۋىلىنداعى دا قۇرىلىسى)، 2 فەلدشەرلىك-اكۋشەرلىك پۋنكت قۇرىلىسى (بادام اۋىلدىق وكرۋگى، قاراباستاۋ اۋىلىنداعى فاپ، تورتكول اۋىلدىق وكرۋگى، ەڭبەكشى اۋىلىنداعى فاپ) جۇرۋدە. بۇگىنگى تاڭدا اتالعان 3 جوبا بويىنشا مەملەكەتتىك ساتىپ الۋ كونكۋرسىنىڭ ناتيجەسىنە سايكەس جەڭىمپاز مەكەمە انىقتالىپ، قۇرىلىس-مونتاجداۋ جۇمىستارىن اتقارۋدا.
وبلىس اكىمىنىڭ ورىنباسارى مەردىگەر مەكەمەلەرگە عيماراتتاردىڭ قۇرىلىسىن ساپالى جۇرگىزۋ، جۇمىس كەستەسىنە ساي اياقتاۋ، جۇمىسقا جەرگىلىكتى تۇرعىنداردى تارتۋ تۋرالى تاپسىرمالار بەردى.
ايتا كەتەيىك، «اۋىلدىق دەنساۋلىق ساقتاۋدى جاڭعىرتۋ» ۇلتتىق پيلوتتىق جوباسى اياسىندا وڭىردە 49 مەديسينالىق سانيتارلىق العاشقى كومەك نىسانىنىڭ قۇرىلىسى باستالدى. اتاپ ايتقاندا، 20 دارىگەرلىك امبۋلاتوريا، 23 فەلدشەرلىك-اكۋشەرلىك پۋنكت جانە 6 مەديسينالىق پۋنكت سالىنادى دەپ كوزدەلگەن.
2023 جىلى جەرگىلىكتى بيۋدجەت قاراجاتى ەسەبىنەن رەزيدەنتۋرادا مەديسينالىق كادرلاردى دايارلاۋعا 60 گرانت ءبولىنىپ، 40 ۇمىتكەر ءوتىنىم بىلدىرگەن. قازىرگى تاڭدا، 37 ۇمىتكەر مەديسينا سالاسى بويىنشا ءبىلىمىن جەتىلدىرۋدە.
ال بيىلعا جەرگىلىكتى بيۋدجەت قاراجاتى ەسەبىنەن رەزيدەنتۋرادا مەديسينالىق كادرلاردى دايارلاۋعا 139 گرانت ءبولىنىپ وتىر. وسى قادام ارقىلى اكۋشەرلەر، گينەكولوگتار، اللەرگولوگتار، يممۋنولوگتار، انەستەزيولوگتار مەن رەانيماتولوگتار، نەيروحيرۋرگتار، بالالار حيرۋرگتارى، گاستروەنتەرولوگتار جانە وزگە دە ماماندار دايارلانادى.
