Ákim oqýshylardy jańa oqý jylymen quttyqtady
– Qadirli ustazdar, qurmetti ata-analar, oqýshylar! Mine, búgin dástúrli túrde óte bir qýanyshty kún – alǵashqy qońyraý, bilim kúni. Eń birinshi mektep tabaldyryǵyn attaǵan búldirshinderdi, olardyń bolashaǵynyń negizin qalaýshy ardaqty ustazdarymyzdyń aitýly merekemen shyn júrekten quttyqtaimyn! Barshańyzdyń otbasylaryńyzdan bereke ketpei, isterińiz tabysqa toly bolsyn! Búldirshinderimizdiń mektep tabaldyryǵyn attaǵan qadamdaryń berekeli, nesibeli qadam bolyp, táýelsiz elimizdi gúldendirer, ekonomikasyn alǵa súirer eljandy azamattar bolyp jetilsin degen tilek bildirgim keledi! – dedi aýdan ákimi Baqyt Asanov.
Saltanatty jiyn barysynda bilim bólimi basshysy oqytýshylardy, ata-analardy jáne mektep tabaldyryǵyn alǵash ret attap otyrǵan 1 synyp oqýshylaryn jańa oqý jylynyń bastalýymen quttyqtap, elimizdiń bolashaǵy – bilimdi de bilikti, alǵyr ári jalyndy jastar qolynda ekenin aiyryqsha atap ótti.
Shara sońynda ata-analar, ardager ustazdar, oqýshylar – mektep ujymyna ózderiniń ystyq yqylastaryn bildirip bilim kúnimen quttyqtaý sózderin jetkizdi.
