– ءقادىرلى ۇستازدار، قۇرمەتتى اتا-انالار، وقۋشىلار! مىنە، بۇگىن ءداستۇرلى تۇردە وتە ءبىر قۋانىشتى كۇن – العاشقى قوڭىراۋ، ءبىلىم كۇنى. ەڭ ءبىرىنشى مەكتەپ تابالدىرىعىن اتتاعان بۇلدىرشىندەردى، ولاردىڭ بولاشاعىنىڭ نەگىزىن قالاۋشى ارداقتى ۇستازدارىمىزدىڭ ايتۋلى مەرەكەمەن شىن جۇرەكتەن قۇتتىقتايمىن! بارشاڭىزدىڭ وتباسىلارىڭىزدان بەرەكە كەتپەي، ىستەرىڭىز تابىسقا تولى بولسىن! بۇلدىرشىندەرىمىزدىڭ مەكتەپ تابالدىرىعىن اتتاعان قادامدارىڭ بەرەكەلى، نەسىبەلى قادام بولىپ، تاۋەلسىز ەلىمىزدى گۇلدەندىرەر، ەكونوميكاسىن العا سۇيرەر ەلجاندى ازاماتتار بولىپ جەتىلسىن دەگەن تىلەك بىلدىرگىم كەلەدى! – دەدى اۋدان اكىمى باقىت اسانوۆ.
سالتاناتتى جيىن بارىسىندا ءبىلىم ءبولىمى باسشىسى وقىتۋشىلاردى، اتا-انالاردى جانە مەكتەپ تابالدىرىعىن العاش رەت اتتاپ وتىرعان 1 سىنىپ وقۋشىلارىن جاڭا وقۋ جىلىنىڭ باستالۋىمەن قۇتتىقتاپ، ەلىمىزدىڭ بولاشاعى – ءبىلىمدى دە بىلىكتى، العىر ءارى جالىندى جاستار قولىندا ەكەنىن ايىرىقشا اتاپ ءوتتى.
شارا سوڭىندا اتا-انالار، ارداگەر ۇستازدار، وقۋشىلار – مەكتەپ ۇجىمىنا وزدەرىنىڭ ىستىق ىقىلاستارىن ءبىلدىرىپ ءبىلىم كۇنىمەن قۇتتىقتاۋ سوزدەرىن جەتكىزدى.
