Tilendiev dańǵyly men jobalyq ataýy C302 kóshe qiylysynda ornalasqan turǵyn úi kesheninde 419 páter bar.
Satyp alý quqyǵynsyz jalǵa beriletin turǵyn úi halyqtyń áleýmettik osal toptaryna arnalǵan. Aǵymdaǵy jyldyń sońyna deiin paidalanýǵa berý josparlanýda.
Sondai-aq, qala ákimi Altai Kólginov qurylysy júrip jatqan turǵyn úi keshenine bardy (Sarybulaq ózeniniń boiyndaǵy Tilendiev dańǵyly). Osy turǵyn úi kesheniniń kiltterin de aldaǵy ýaqytta 530 adam alatyn bolady.
Jalǵa beriletin turǵyn úi halyqtyń áleýmettik osal toptaryna da beriledi. Tapsyrý merzimi – 2020 jyl.
Altai Kólginov atap ótkendei, ǵimaratqa barlyq injenerlik jeliler júrgizilgen, aýmaǵy abattandyrylǵanda ǵana, iaǵni, tolyǵymen daiyn bolǵan kezde ǵana úidi paidalanýǵa berý qajet.
2019 jyldyń qorytyndysy boiynsha biýdjet qarajaty esebinen tapsyrylǵan páterlerdiń jalpy sany 2400 quraidy. Kelesi jyly turǵyn úi kólemi 3 esege artady.
