نۇر-سۇلتان اكىمى التاي كولگىنوۆ قالانى كەشكىلىك ارالاۋ بارىسىندا تۇرعىن ءۇي كەشەندەرىنىڭ قۇرىلىس بارىسىمەن تانىستى.

تىلەندييەۆ داڭعىلى مەن جوبالىق اتاۋى C302 كوشە قيىلىسىندا ورنالاسقان تۇرعىن ءۇي كەشەنىندە 419 پاتەر بار.

ساتىپ الۋ قۇقىعىنسىز جالعا بەرىلەتىن تۇرعىن ءۇي حالىقتىڭ الەۋمەتتىك وسال توپتارىنا ارنالعان. اعىمداعى جىلدىڭ سوڭىنا دەيىن پايدالانۋعا بەرۋ جوسپارلانۋدا.

سونداي-اق، قالا اكىمى التاي كولگىنوۆ قۇرىلىسى ءجۇرىپ جاتقان تۇرعىن ءۇي كەشەنىنە باردى (سارىبۇلاق وزەنىنىڭ بويىنداعى تىلەندييەۆ داڭعىلى). وسى تۇرعىن ءۇي كەشەنىنىڭ كىلتتەرىن دە الداعى ۋاقىتتا 530 ادام الاتىن بولادى.  

جالعا بەرىلەتىن تۇرعىن ءۇي حالىقتىڭ الەۋمەتتىك وسال توپتارىنا دا بەرىلەدى. تاپسىرۋ مەرزىمى – 2020 جىل.

التاي كولگىنوۆ اتاپ وتكەندەي، عيماراتقا بارلىق ينجەنەرلىك جەلىلەر جۇرگىزىلگەن، اۋماعى اباتتاندىرىلعاندا عانا، ياعني، تولىعىمەن دايىن بولعان كەزدە عانا ءۇيدى پايدالانۋعا بەرۋ قاجەت.

2019 جىلدىڭ قورىتىندىسى بويىنشا بيۋدجەت قاراجاتى ەسەبىنەن تاپسىرىلعان پاتەرلەردىڭ جالپى سانى 2400 قۇرايدى. كەلەسى جىلى تۇرعىن ءۇي كولەمى 3 ەسەگە ارتادى.