Aýdandyq «Jastar resýrstyq ortalyǵy» KMM-niń uıymdastyrýymen aýdynymyzdyń stýdent jáne jumyssyz jastaryn qosymsha jumyspen qamtý jáne qoǵamdyq, eńbek belsendilikterin nyǵaıtýdy júzege asyrý, jastar boıynda azamattyq jáne otansúıgishtik qasıetterin qalyptastyrý maqsatynda «Jasyl El» eńbek jasaqtaryn qalyptastyrǵan bolatyn. Mine, jumys bastaǵandaryna 1 aıǵa jýyq ýaqyt bolǵan jastarmen aýdan ákimi Baqyt Asanov arnaıy kezdesý ótkizip, jasaqtardyń jumys barysymen tanysty.
Óńir basshysy jańadan qurylǵan aýdandy kóriktendirýge úlesin qosqandary úshin jastarǵa alǵys aıtyp, aldaǵy ýaqytta «Jasyl el» eńbek jasaqtaryna jumysqa alynatyn jastardyń sanyn kóbeıtý kerektigin atap ótti. Sondaı-aq, aýdan ortalyǵynda jastardyń damýyna qajetti áleýmettik nysandardy, demalys oryndaryn kóptep salý úshin jobalar jasalyp jatqandyǵyn aıtty. Ol úshin aýdan ákimi jastardyń usynysyn tyńdap, olardyń talap-tilegine qulaq saldy.
Maqtaaraldyq jastar «Jasyl el» eńbek jasaǵy qatarynda bola otyryp, aýdanymyzdyń kóriktendirý-abattandyrý jumystaryna qatysýda. Atap aıtqanda, Myrzakent pen Atakent kentiniń ortalyq kóshelerin, qoǵamdyq oryndaryn qoqystan aryltyp, shóp-shalańdaryn shabýda. Sondaı-aq, taldardyń aǵashtaryn butap, áleýmettik nysandardy, gúlzarlar men saıabaqtardy retke keltirýde.
Aıta keteıik, qazirgi tańda 2 jasaqta 50-den asa jastar jumys isteýde. Olardyń árbiri arnaıy formamen, qural-jabdyqtarmen qamtylǵan jáne bir aılyq jalaqylary 55 000 teńge kóleminde.
Maqtaaral aýdany ákiminiń baspasóz qyzmeti
