Túrkistan oblysynda bilim salasyn damytý, bilim mekemeleriniń infraqurylymyn jaqsartý, mektep tapshylyǵyn joiý baǵytynda jumystar jalǵasýda. Oblys ákimi apparatynyń aptalyq májilisinde osy saladaǵy jumystar baiandalyp, kemshilikter de aityldy. Túrkistan oblysynyń ákimi Darhan Satybaldy sala basshylaryna naqty tapsyrmalar berdi, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Bilim salasyndaǵy ózekti máselelerdi sheshýdi tapsyrǵan bolatynmyn. Mektepterdiń oqý kabinetterin jabdyqtaý, qurylysyn ýaqtyly júrgizý, sybailas jemqorlyq táýekelderiniń aldyn alý baǵytynda júieli jumys jalǵasýy tiis. Bilim mekemelerine tsifrlyq júielerdi engizý boiynsha naqty usynys berilip, tiisti jumys atqarylsyn. Bólingen qarjyny durys igerip, tiisti jumysty ýaqtyly atqarý kerek. Biz bul saladaǵy jumystardy qatań baqylaýda ustaimyz, – degen Darhan Satybaldy jaýapty basshylarǵa júktelgen mindetterdi sapaly oryndaýdy júktedi.
Túrkistan oblystyq bilim basqarmasy basshysynyń orynbasary Aigúl Qasymbekovanyń málimdeýinshe, biyl oblystaǵy 107 bilim berý mekemesiniń jylý júiesi tabiǵi gazǵa aýysty. Oǵan bilim salasynan únemdelgen biýdjet qarjysy esebinen 2,2 mlrd. teńge (79 mektepke – 1,85 mlrd. teńge, 28 balabaqshaǵa – 350 mln. teńge) qarjy qaralǵan. Qazirgi tańda 107 mekemdegi jumys tolyq aiaqtalyp, mekemeler tabiǵi gazǵa qosyldy. Nátijesinde tabiǵi gazǵa qosylǵan bilim nysandarynyń sany 800-ge jetti. Bul jumystar kómirge degen suranysty 79 myń tonnaǵa deiin tómendetip otyr.
Al 2025 jyly taǵy 100 bilim berý mekemesiniń jylytý júiesin qatty otynnan (kómir) tabiǵi gazǵa aýystyrý josparlanýda. Oǵan boljammen 2 mlrd. teńge qarjy qajet. Bul jumystardy bilim salasynan únemdelgen biýdjet qarjysy esebinen sheshý josparlanyp otyr.
Oblysta balalardyń bos ýaqyttaryn tiimdi uiymdastyrý maqsatynda is-sharalar bekitilip, tiisti jumys jalǵasýda. Nátijesinde erte júktilik, jasóspirimder arasyndaǵy sýitsid pen qylmys dereginiń tómendegeni baiqalǵan.
Balalar úshin 30 jazǵy saýyqtyrý lageri (9 memlekettik, 21 jekemenshik) qyzmet kórsetti. Jazǵy saýyqtyrý jumystaryn júieleý, lagerlerdi ortalyqtandyrý arqyly memlekettik lagerlerde jaz maýsymynda qosymsha 9 myńnan asa balany qabyldaý kózdelýde.
Jyl basynda memlekettik tapsyrys ornalastyrylǵan 1432 mektepke deiingi bilim berý uiymdarynda monitoring júrgizildi. Jalpy oblystaǵy balabaqshalarda 155 992 bala tárbielenýde. Monitoring nátijesinde mektepke deiingi uiymdar esebine alynǵan keibir balalardyń balabaqshalarǵa múldem kelmeitini jáne oǵan bilim bólimderi arqyly tólem júrgizilgeni anyqtaldy. Anyqtalǵan kemshilikter boiynsha oblystyq bilim basqarmasy janynan qurylǵan komissiia maqsatsyz 7422 memlekettik tapsyrysty qysqartý týraly sheshim qabyldaǵan.
Májiliste mektepterdi jańǵyrtý jobasyna engizilgen bilim uialaryn jóndeý, ashanalaryn retteý, oqý kabinetterin jabdyqtaý jáne ózge de máseleler aitylyp, tiisti tapsyrmalar berildi.
