Ákim atqarylǵan jumystar jaiynda esep berdi
Brifing basynda Tólebi aýdany ákiminiń 8 aida atqarǵan jumysy boiynsha beine jazba kórsetildi. Ári qarai Aýdan basshysy Baýyrjan Omarbekov aýdannyń áleýmettik-ekonomikalyq damýynyń barysy jaiynda baiandady.
Tólebi aýdanynda aǵymdaǵy jyldyń 8 aiynda jalpy óńirlik ónim 62 mlrd 956 myń teńge bolyp, jan basyna shaqqanda 540,2 myń teńgeni qurady. Byltyrǵy jyldyń tiisti kezeńimen salystyrǵanda 16,4 paiyzǵa artqan.
Ónerkásip salasynda 21 mlrd 828 mln teńgeniń ónimi óndirilip, 2017 jyldyń osy kezeńimen salystyrǵanda óndirilgen óniminiń naqty kólem indeksi 106,1 paiyzdy qurady.
Aýylsharýashylyq salasynyń ónim kólemi 8 aida 19 mlrd 241,4 mln teńgeni qurady. Naqty kólem indeksi 102,5 paiyz bolyp otyr.
Mal sharýashylyǵy salasynda 13 mln 787,1 myń teńgeniń ónimi óndirilip, naqty kólem indeksi 102,5 paiyzdy qurady.
Sý nysandary boiynsha 2018 jyly arna túzeý, jaǵa bekitý jáne tazalaý jumystaryna aýdandyq biýdjet esebinen 200 mln teńge qarjy qarastyrylyp aýdan boiynsha 4 sý toǵany jáne 39 kanalǵa mehanikalyq tazalaý jumystary júrgizildi.
Biýdjet – qarjy saiasaty Kontingent jospary 1 mlrd 399 mln teńge bolyp, ústimizdegi jyldyń 1 qazanyna naqty 101,7 paiyzǵa artyǵymen oryndaldy. Onyń ishinde aýdan biýdjeti 2018 jyldyń 7 aiynda 873,8 mln teńgege josparlanyp 104 paiyzǵa artyǵymen oryndaldy.
Bilim salasy Oblystyq biýdjet esebinen 4 mekteptiń qurylysyna 1 mlrd 179,9 mln teńge qarastyrylyp, qurylys jumystary júrgizilýde. Sondai-aq, 1 mlrd 571,4 mln teńge bolatyn 5 mekteptiń joba-smetalyq qujattamalary daiyn. Odan basqa, 2 mekteptiń joba-smetalyq qujattamalary ázirlenýde.
Jumyspen qamtý salasy «Eńbek» nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan baǵdarlamasynyń birinshi baǵyty boiynsha qysqa merzimdi kásibi oqytýlarǵa barlyǵy 9 mamandyq boiynsha 195 azamat joldandy. Baǵdarlamanyń ekinshi baǵyty aiasynda 32 azamat 131 mln. teńge shaǵyn nesie alsa,Baǵdarlamanyń úshinshi baǵytymen qamtý boiynsha 1283 adam turaqty jumysqa joldanyp, onyń ishinde bos jumys oryndaryna 1032 adam jáne jańa jumys oryndaryna 270 adam ornalasty.
Sport salasy Lenger qalasyndaǵy ortalyq «Jastyq» stadionyn kúrdeli jóndeýden ótkizý úshin joba smetalyq qujattamalaryn daiyndaýǵa jergilikti biýdjetten 1 mln teńge qarjy qaraldy. Sonymen qatar Joǵarǵy Aqsý aýyl okrýgine qarasty Mádeni aýylynan talapqa sai sporttyq-saýyqtyrý keshenin salý úshin jergilikti biýdjetten 2 mln teńge qarjy qaralyp, JSQ ázirlenýde. Bul jumystar 2019 jylǵa aýyspaly.
Turǵyn úilerdi iske qosý 2018 jyldyń 8 aiynda 17 623 sharshy metrdi qurap, byltyrǵy jyldyń tiisti kezeńimen salystyrǵanda 148,3 paiyz. Lenger qalasyndaǵy 5 qabatty 40 páterli 1 turǵyn úige jáne 5 qabatty 20 páterli 1 turǵyn úilerdiń qurylysyna oblystyq biýdjetten 235,8 mln teńge qarjy qarastyrylyp, 20 páterli 1 turǵyn úidiń qurylys jumystary aiaqtaldy.
Tabiǵi gaz salasy, Aýyz sý salasy, Káriz júiesi, Jol salasy, Abattandyrý, Memlekettik – jekemenshik áriptestikter jailyda baiandamada aityp ótti.
Brifing sońynda aýdan ákimi, jýrnalisterdi qyzyqtyrǵan saýaldaryna yqylaspen jaýap berdi.
Tólebi aýdany ákiminiń baspasóz qyzmeti
