بريفينگ باسىندا تولەبي اۋدانى اكىمىنىڭ 8 ايدا اتقارعان جۇمىسى بويىنشا بەينە جازبا كورسەتىلدى. ءارى قاراي اۋدان باسشىسى باۋىرجان وماربەكوۆ اۋداننىڭ الەۋمەتتىك-ەكونوميكالىق دامۋىنىڭ بارىسى جايىندا باياندادى.
تولەبي اۋدانىندا اعىمداعى جىلدىڭ 8 ايىندا جالپى وڭىرلىك ءونىم 62 ملرد 956 مىڭ تەڭگە بولىپ، جان باسىنا شاققاندا 540،2 مىڭ تەڭگەنى قۇرادى. بىلتىرعى جىلدىڭ ءتيىستى كەزەڭىمەن سالىستىرعاندا 16،4 پايىزعا ارتقان.
ونەركاسىپ سالاسىندا 21 ملرد 828 ملن تەڭگەنىڭ ءونىمى ءوندىرىلىپ، 2017 جىلدىڭ وسى كەزەڭىمەن سالىستىرعاندا وندىرىلگەن ءونىمىنىڭ ناقتى كولەم يندەكسى 106،1 پايىزدى قۇرادى.
اۋىلشارۋاشىلىق سالاسىنىڭ ءونىم كولەمى 8 ايدا 19 ملرد 241،4 ملن تەڭگەنى قۇرادى. ناقتى كولەم يندەكسى 102،5 پايىز بولىپ وتىر.
مال شارۋاشىلىعى سالاسىندا 13 ملن 787،1 مىڭ تەڭگەنىڭ ءونiمi ءوندiرiءلىپ، ناقتى كولەم يندەكسى 102،5 پايىزدى قۇرادى.
سۋ نىساندارى بويىنشا 2018 جىلى ارنا تۇزەۋ، جاعا بەكىتۋ جانە تازالاۋ جۇمىستارىنا اۋداندىق بيۋدجەت ەسەبىنەن 200 ملن تەڭگە قارجى قاراستىرىلىپ اۋدان بويىنشا 4 سۋ توعانى جانە 39 كانالعا مەحانيكالىق تازالاۋ جۇمىستارى جۇرگىزىلدى.
بيۋدجەت – قارجى ساياساتى كونتينگەنت جوسپارى 1 ملرد 399 ملن تەڭگە بولىپ، ۇستىمىزدەگى جىلدىڭ 1 قازانىنا ناقتى 101،7 پايىزعا ارتىعىمەن ورىندالدى. ونىڭ ىشىندە اۋدان بيۋدجەتى 2018 جىلدىڭ 7 ايىندا 873،8 ملن تەڭگەگە جوسپارلانىپ 104 پايىزعا ارتىعىمەن ورىندالدى.
ءبىلىم سالاسى وبلىستىق بيۋدجەت ەسەبىنەن 4 مەكتەپتىڭ قۇرىلىسىنا 1 ملرد 179،9 ملن تەڭگە قاراستىرىلىپ، قۇرىلىس جۇمىستارى جۇرگىزىلۋدە. سونداي-اق، 1 ملرد 571،4 ملن تەڭگە بولاتىن 5 مەكتەپتىڭ جوبا-سمەتالىق قۇجاتتامالارى دايىن. ودان باسقا، 2 مەكتەپتىڭ جوبا-سمەتالىق قۇجاتتامالارى ازىرلەنۋدە.
جۇمىسپەن قامتۋ سالاسى «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ ءبىرىنشى باعىتى بويىنشا قىسقا مەرزىمدى كاسىبي وقىتۋلارعا بارلىعى 9 ماماندىق بويىنشا 195 ازامات جولداندى. باعدارلامانىڭ ەكىنشى باعىتى اياسىندا 32 ازامات 131 ملن. تەڭگە شاعىن نەسيە السا،باعدارلامانىڭ ءۇشىنشى باعىتىمەن قامتۋ بويىنشا 1283 ادام تۇراقتى جۇمىسقا جولدانىپ، ونىڭ ىشىندە بوس جۇمىس ورىندارىنا 1032 ادام جانە جاڭا جۇمىس ورىندارىنا 270 ادام ورنالاستى.
سپورت سالاسى لەنگەر قالاسىنداعى ورتالىق «جاستىق» ستاديونىن كۇردەلى جوندەۋدەن وتكىزۋ ءۇشىن جوبا سمەتالىق قۇجاتتامالارىن دايىنداۋعا جەرگىلىكتى بيۋدجەتتەن 1 ملن تەڭگە قارجى قارالدى. سونىمەن قاتار جوعارعى اقسۋ اۋىل وكرۋگىنە قاراستى مادەني اۋىلىنان تالاپقا ساي سپورتتىق-ساۋىقتىرۋ كەشەنىن سالۋ ءۇشىن جەرگىلىكتى بيۋدجەتتەن 2 ملن تەڭگە قارجى قارالىپ، جسق ازىرلەنۋدە. بۇل جۇمىستار 2019 جىلعا اۋىسپالى.
تۇرعىن ۇيلەردى ىسكە قوسۋ 2018 جىلدىڭ 8 ايىندا 17 623 شارشى مەتردى قۇراپ، بىلتىرعى جىلدىڭ ءتيىستى كەزەڭىمەن سالىستىرعاندا 148،3 پايىز. لەنگەر قالاسىنداعى 5 قاباتتى 40 پاتەرلى 1 تۇرعىن ۇيگە جانە 5 قاباتتى 20 پاتەرلى 1 تۇرعىن ۇيلەردىڭ قۇرىلىسىنا وبلىستىق بيۋدجەتتەن 235،8 ملن تەڭگە قارجى قاراستىرىلىپ، 20 پاتەرلى 1 تۇرعىن ءۇيدىڭ قۇرىلىس جۇمىستارى اياقتالدى.
تابيعي گاز سالاسى، اۋىز سۋ سالاسى، كارىز جۇيەسى، جول سالاسى، اباتتاندىرۋ، مەملەكەتتىك – جەكەمەنشىك ارىپتەستىكتەر جايلىدا باياندامادا ايتىپ ءوتتى.
بريفينگ سوڭىندا اۋدان اكىمى، جۋرناليستەردى قىزىقتىرعان ساۋالدارىنا ىقىلاسپەن جاۋاپ بەردى.
تولەبي اۋدانى اكىمىنىڭ باسپا ءسوز قىزمەتى
