Ákim ardagerlerdi Túrkistandy birlesip túletýge shaqyrdy
Túrkistan oblysynyń ákimi Janseiit Túimebaev Qarttar kúni qarsańynda Túrkistan qalasynyń ardagerlerimen kezdesti.
Basqosýda oblys ákimi el aqsaqaldaryn merekemen quttyqtap, oblys ortalyǵyn damytýǵa rýhani turǵydan damytýǵa atsalysýǵa shaqyrdy.
– Oblys ortalyǵy aldaǵy ýaqytta jańa keiipke enedi. Buǵan Elbasymyz airyqsha nazar aýdaryp otyr. Aldaǵy ýaqytta Túrkistanda jańa ǵimarattar, turǵyn úiler, áýejai, ákimshilik iskerlik ortalyq boi kóteretin bolady. Túrki dúniesiniń ortalyǵy retinde barlyq jaǵynan sai bolmaq. Sonymen qatar, Túrkistan – rýhaniiattyń, mádeniettiń ordasy bolýy tiis. Bul turǵyda el aǵalaryna, aqsaqaldarǵa artylar júk aýyr, – dedi Janseiit Túimebaev.
Sondai-aq, oblys basshysy merekege orai ardagerlerge demalys aimaqtaryna joldama syilady. Olardyń qatarynda Túrkistan oblysynyń Aqsaqaldar alqasynyń tóraǵasy Jarylqasyn Áziretbergenov, Túrkistan qalasynyń Aqsaqaldar alqasynyń múshesi Jumadil Kishibaev, Túrkistan qalasynyń qoǵamdyq kelisim keńesiniń múshesi Rústem Kamilov syndy 20-ǵa jýyq ardagerler bar.
Túrkistan oblysy ákiminiń baspasóz qyzmeti
