Túrkistan oblysynyń turǵyny Almas Sadaqbaev óz ákesine júieli túrde kúsh kórsetip, azaptaǵany úshin 5 jylǵa sottaldy. Sot ony kináli dep tanyp, bas bostandyǵynan aiyrý jazasyn taǵaiyndady, dep habarlaidy Dalanews.kz.
Bul oqiǵa ótken jyldyń qyrkúiek aiynda jurtshylyqty dúr silkindirgen. Áleýmettik jelide kórshileriniń biri jasyryn túsirgen beinejazba tarady. Videoda er adamnyń óz úiiniń aýlasynda qart ákesin aiaýsyz soqqyǵa jyǵyp jatqan sáti anyq kórinedi. Qariianyń bet-aýzy qanǵa boialyp, ornynan tura almai qalǵan. Sol kezde uly áielin shaqyryp, ekeýi qartty áreń degende úige súirep kirgizgen. Araǵa ýaqyt salyp, zeinetker kóz jumdy.
Atalǵan derek boiynsha politsiia erli-zaiyptyǵa qatysty qylmystyq isti tergedi. Alaida áielge qatysty «uryp-soǵý» babymen qozǵalǵan is dálelderdiń jetkiliksizdigine bailanysty toqtatylǵan. Marqumnyń tiri kezinde dárigerlerdiń baqylaýynda bolǵany, júrek aýrýy men omyrtqa osteohondrozynan zardap shekkeni de sotta aityldy.
Sot úkim shyǵar aldynda 41 jastaǵy Almas Sadaqbaev sońǵy sózin sóiledi. Ol kóz jasyna erik berip, jasaǵan isine ókinish bildirdi, aǵalarynan jáne Qazaqstan halqynan keshirim surady. Sondai-aq sottan óziniń kámeletke tolmaǵan balalary bar ekenin, qazirgi jubaiynyń jumys istemeitinin eskerýdi ótindi.
