Jambyl oblysynda er adam sotqa júginý arqyly kóligin buǵattan shyǵaryp, aliment boiynsha qaryz kólemin azaitýǵa da qol jetkizdi, dep habarlaidy Dalanews.kz.
Jambyl oblysynyń mamandandyrylǵan aýdanaralyq ákimshilik soty ajyrasqan er adamnyń jeke sot oryndaýshysyna qatysty aliment boiynsha qaryzdy aiqyndaý jáne tyiym salý týraly qaýlylardyń kúshin joiý týraly talap-aryzymen qozǵalǵan ákimshilik isti qarady.
Sotta 2025 jylǵy maýsymda jeke sot oryndaýshysynyń qaýlysymen talap qoiýshynyń 2022 jylǵy maýsymnan 2025 jylǵy maýsymǵa deiingi kezeńde aliment boiynsha 3,2 mln teńge mólsherinde qaryzy aiqyndalǵan, sol sebepti talap qoiýshynyń kóligi buǵatqa qoiylǵany anyqtaldy.
"Talap qoiýshy uly atalǵan kezeńde talap qoiýshymen birge turǵanyn jáne sol aralyqta alimentti óndirip alýshymen kelisimge sáikes tólegenin aityp, jaýapkerdiń aliment boiynsha qaryzdy zańsyz eseptegenin kórsetti", delingen sot habarlamasynda.
Aliment boiynsha bereshekti esepteýdi tekserý kezinde sot jaýapkerdiń qaryz somasyn durys anyqtamaǵanyn anyqtady. Daýly qaýlyda jaýapker 2022 jyldan 2025 jylǵa deiingi kezeńdegi ortasha ailyq jalaqynyń ózgerýin esepke almaǵan. Nátijesinde qaryzdy esepteý zańnamany buza otyryp júrgizilgen.
"Sot JSO qaýlylaryn zańsyz dep tanydy, olardyń kúshin joiyp, jaýapkerdi joiylǵan aktilerden týyndaityn barlyq zańdy saldardy joiýǵa mindettedi. Sondai-aq talap qoiýshynyń múlkine qoiylǵan tyiym salý sharasy da joiyldy, óitkeni bul da buzýshylyq bolyp tabylady", - deidi Jambyl oblysynyń MAÁS baspasóz qyzmeti.
Sheshim zańdy kúshine engen joq.
Buǵan deiin saitymyzda Joǵary sot aliment tóleý tártibine ózgeris engizgenin jazǵanbyz.
