Astanada tegin baspana alý sharttary odan saıyn qatańdatylmaq.
Qazaqstan elordasynda baspanaǵa zárý adamdar esebine tirkeý úshin talap etiletin tirkelý merzimin úsh jyldan bes jylǵa deıin uzartýdy, al«tolyq emes otbasy» uǵymyna tek jesirler men áıeli qaıtys bolǵan er azamattardy ǵana jatqyzý usynylýda.
«Vechernáá Astana» gazeti qalalyq turǵyn úı basqarmasynyń basshysy Rýslan Ahmetovtyń «Kezektiń uzarýyn tejeýge baǵyttalǵan qosymsha shekteý sharalaryn engizý úshin basqarmaturǵyn úı zańnamasyna túzetýler engizýdi usynady. Usynystar baspanaǵa zárý adamdar esebine tirkeý úshin talap etiletin elordada turaqty turý merzimin úsh jyldan bes jylǵa deıin uzartýdy, áleýmettik turǵydan osal top kategorıasyna qoldanylatyn kiristi shekteý talaptaryn ózgertýdi, al kezekke turýǵa quqyq beretin mártebege ıe bolý jolynda jasalatyn jalǵan ajyrasýlardy boldyrmaý úshin«tolyq emes otbasy» uǵymyn naqtylaýdy qarastyrady. Atalǵan kategorıaǵa jesir áıel men áıeli qaıtys bolǵan er azamattardy ǵana jatqyzý qajet», — degen sózin keltiredi.
R.Ahmetovtyń aıtynsha, ákimdik baspana alý kezeginde turǵan azamattardyń tizimine ınventarızasıa júrgizip jatyr. 2016 jyly elordada kezekte turǵandarǵa 93 páter berildi.
Bıylǵy jyldyń sáýir aıynda turǵyn úı komısıasynyń otyrysyna 260 páter usynyldy. Olar tórt soǵys ardagerine, 49 jetim balaǵa, áleýmettik osal top kategorıasyna jatatyn 137 otbasyna berildi.
Budan bólek, I toqsanda 2008-2010 jyldarǵa arnalǵan turǵyn úı qurylysy baǵdarlamasy aıasynda salynǵan baspanalardy berý aıaqtaldy. Taǵy 65 adam baspanamen qamtyldy.
Buǵan deıin habarlanǵandaı, taıaýda elorda basshylyǵy Qazaqstanǵa kirerde baspana alýǵa aqshalaı ótemaqy alǵan repatrıanttardy memlekettik qor baspanasy kezeginen alyp tastaýdy usynǵan bolatyn.
Sondaı-aq, baspana kezeginen áskerı qyzmetshilerdi alyp tastaý máselesi de tur. Olar bólek tizimge turǵyzylady jáne nesıeleýdiń jeńildik sharttary oılastyrylady.
Osylaısha, basqarma mamandary kezekte turǵandar sanyn eki ese azaıtpaq.
Búgingi kúni 45 516 adam komýnaldy turǵyn úı qory baspanasyna zárý.
