IPO-ǵa bitken qanat. Aktsiialar álemindegi Ferrari – Air Astana road-shoýy búgin bastalady, – dep habarlaidy Dalanews.kz
Air Astana-nyń IPO-ǵa shyǵatyn aktsiialarynyń baǵasy belgili boldy. Aktsiialardyń diapazon 956 teńgeden 1237 teńge aralyǵynda saýdalanady. Muny jurttyń barlyǵy asyǵa kútkeni anyq. Brokerler ulttyq áýe kompaniiasynyń aktsiiasyna degen suranys usynystan keminde 3-4 ese joǵary bolatynyn aitýda.
2023 jyldyń 9 aiynda Eir Astana jalpy vyrýchkasy 900 million dollar (405 mlrd teńge), al taza tabysy 72,4 million dollar (32,6 mlrd teńge) boldy.
Kompaniiada 92 marshrýtqa jumys isteitin 50 ushaq bar. Olardyń orta jasy 5 jyl, iaǵni barlyǵy derlik jańa ushaqtar.
Jalpy, Air Astana qazirgi jaǵdaiynda túgelimen 1,2 milliard dollarǵa baǵalanady.
Kompaniia úlesiniń 25 paiyzy naryqta satylmaq. Sol arqyly Eir Astana aktsionerleri 120 million dollar tartamyz dep josparlap otyr.
Qazir Air Astananyń 51 paiyzy Qazaqstan Úkimetine (Samuryq qory arqyly), 49 paiyzy Britaniianyń BAE Systems áskeri korporatsiiasyna tiesili. BAE ózinen birshama aktsiia bólmek. Jáne aktsiialardyń qosymsha shyǵarylýy oryn alady.
Qazaqstan áýe kompaniiasyn óziniń baqylaýynda qaldyratyny anyq. IPO-dan keiin de Eir Astananyń eń iri aktsioneri memleket bolady.
Negizi «halyqtyq IPO» investorlar úshin óte tabysty. Tek KEGOC-tyń sońǵy SPO-sy ǵana kartinany búldirip ketti. Onyń aktsiialary áli óspei jatyr jáne naýryzǵa taman ǵana tirile bastaidy.
Endi investorlar Kegoktyń qaǵazdaryn satyp, túgelimen Eir Astanaǵa aýysady degen boljam bar. Ótinimder kitabynda suranys óte kóp bolsa, aktsiialardyń alǵashqy baǵasy da qymbattaý bolýy múmkin. Bizge árine, onyń barynsha diskontpen shyqqany kerek.
Air Astana kem degende jarty jylda 20% ósim bere alatyn siiaqty. Halyqtyń IPO-nyń minýsqa ketken jeri joq. 2022 jyly IPO-ǵa shyqqan Qazmunaigaz aktsiialary 38 paiyzǵa, 2018 jyly birjaǵa kelgen Qazatomprom 363 paiyzǵa, 2014 jyldan beri Kegok 193 paiyzǵa, 2012 jyly satylǵan Qaztransoil aktsiialary 12 paiyzǵa qymbattady.
Eir Astana aktsiialaryn qalai satyp alamyz? Eń yńǵailysy banktiń mobildi qosymshalary. TsentrKredit, Halyq bank, Jýsan, Fridom qosymshalarynda investitsiia degen bólim bar. Soǵan kirip, onlain brokerlik shot ashyp, IPO-ǵa qatysýǵa ótinish beresiz. AIX birjasynyń Tabys qosymshasy da óte qolaily.
Investor halyqqa qanat bite bastady. Qazir biz eldegi birja serpinin kórip otyrmyz. Bolashaqta bizdiń ishki birja búkil Ortalyq Aziiaǵa qyzmet kórsetetin ortalyq hab bolady.
