IPO-عا بىتكەن قانات. اكسيالار الەمىندەگى فەرراري – Air Astana رواد-شوۋى بۇگىن باستالادى، – دەپ حابارلايدى Dalanews.kz
Air Astana-نىڭ IPO-عا شىعاتىن اكسيالارىنىڭ باعاسى بەلگىلى بولدى. اكسيالاردىڭ دياپازون 956 تەڭگەدەن 1237 تەڭگە ارالىعىندا ساۋدالانادى. مۇنى جۇرتتىڭ بارلىعى اسىعا كۇتكەنى انىق. بروكەرلەر ۇلتتىق اۋە كومپانياسىنىڭ اكسياسىنا دەگەن سۇرانىس ۇسىنىستان كەمىندە 3-4 ەسە جوعارى بولاتىنىن ايتۋدا.
2023 جىلدىڭ 9 ايىندا ەير استانا جالپى ۆىرۋچكاسى 900 ميلليون دوللار (405 ملرد تەڭگە)، ال تازا تابىسى 72،4 ميلليون دوللار (32،6 ملرد تەڭگە) بولدى.
كومپانيادا 92 مارشرۋتقا جۇمىس ىستەيتىن 50 ۇشاق بار. ولاردىڭ ورتا جاسى 5 جىل، ياعني بارلىعى دەرلىك جاڭا ۇشاقتار.
جالپى، Air Astana قازىرگى جاعدايىندا تۇگەلىمەن 1،2 ميلليارد دوللارعا باعالانادى.
كومپانيا ۇلەسىنىڭ 25 پايىزى نارىقتا ساتىلماق. سول ارقىلى ەير استانا اكسيونەرلەرى 120 ميلليون دوللار تارتامىز دەپ جوسپارلاپ وتىر.
ءقازىر Air استانانىڭ 51 پايىزى قازاقستان ۇكىمەتىنە (سامۇرىق قورى ارقىلى)، 49 پايىزى بريتانيانىڭ BAE Systems اسكەري كورپوراسياسىنا تيەسىلى. BAE وزىنەن ءبىرشاما اكسيا بولمەك. جانە اكسيالاردىڭ قوسىمشا شىعارىلۋى ورىن الادى.
قازاقستان اۋە كومپانياسىن ءوزىنىڭ باقىلاۋىندا قالدىراتىنى انىق. IPO-دان كەيىن دە ەير استانانىڭ ەڭ ءىرى اكسيونەرى مەملەكەت بولادى.
نەگىزى «حالىقتىق IPO» ينۆەستورلار ءۇشىن وتە تابىستى. تەك KEGOC-تىڭ سوڭعى SPO-سى عانا كارتينانى ءبۇلدىرىپ كەتتى. ونىڭ اكسيالارى ءالى وسپەي جاتىر جانە ناۋرىزعا تامان عانا تىرىلە باستايدى.
ەندى ينۆەستورلار كەگوكتىڭ قاعازدارىن ساتىپ، تۇگەلىمەن ەير استاناعا اۋىسادى دەگەن بولجام بار. وتىنىمدەر كىتابىندا سۇرانىس وتە كوپ بولسا، اكسيالاردىڭ العاشقى باعاسى دا قىمباتتاۋ بولۋى مۇمكىن. بىزگە ارينە، ونىڭ بارىنشا ديسكونتپەن شىققانى كەرەك.
Air Astana كەم دەگەندە جارتى جىلدا 20% ءوسىم بەرە الاتىن سياقتى. حالىقتىڭ IPO-نىڭ مينۋسقا كەتكەن جەرى جوق. 2022 جىلى IPO-عا شىققان قازمۇنايگاز اكسيالارى 38 پايىزعا، 2018 جىلى بيرجاعا كەلگەن قازاتومپروم 363 پايىزعا، 2014 جىلدان بەرى كەگوك 193 پايىزعا، 2012 جىلى ساتىلعان قازترانسويل اكسيالارى 12 پايىزعا قىمباتتادى.
ەير استانا اكسيالارىن قالاي ساتىپ الامىز؟ ەڭ ىڭعايلىسى بانكتىڭ ءموبيلدى قوسىمشالارى. سەنتركرەديت، حالىق بانك، جۋسان، فريدوم قوسىمشالارىندا ينۆەستيسيا دەگەن ءبولىم بار. سوعان كىرىپ، ونلاين بروكەرلىك شوت اشىپ، IPO-عا قاتىسۋعا ءوتىنىش بەرەسىز. AIX بيرجاسىنىڭ Tabys قوسىمشاسى دا وتە قولايلى.
ينۆەستور حالىققا قانات بىتە باستادى. ءقازىر ءبىز ەلدەگى بيرجا سەرپىنىن كورىپ وتىرمىز. بولاشاقتا ءبىزدىڭ ىشكى بيرجا بۇكىل ورتالىق ازياعا قىزمەت كورسەتەتىن ورتالىق حاب بولادى.
