Qarjylyq monitoring agenttiginiń Soltústik Qazaqstan oblysy boiynsha departamenti Qazaqstan aýmaǵynda zańsyz jumys istegen Nomad Poker onlain kazinosynyń qyzmetin toqtatty, dep habarlaidy dalanews.kz.
Tergeý barysynda bul platforma Club GG Poker mobildi qosymshasy negizinde jumys istegeni jáne ony Qazaqstan azamattary Grýziia aýmaǵynan basqarǵany anyqtalǵan.
QMA málimetinshe, mundai tásil uiymdastyrýshylardyń jeke basyn jasyrýǵa, aqsha ainalymyn baqylaýdy qiyndatýǵa ári shetel azamattarynyń atyna rásimdelgen bank shottary men bailanys quraldaryn paidalanýǵa múmkindik bergen.
Onlain kazino táýlik boiy jumys istep, oiynshylarǵa onlain poker oinap, aqsha tigýge jáne utysty qolma-qol aqshaǵa ainaldyrýǵa jaǵdai jasaǵan. Jańa oiynshylardy tartý úshin áleýmettik jeliler, messendjerler jáne túrli jarnamalar qoldanylǵan. Sonyń nátijesinde platformaǵa 20 myńnan asa adam tirkelgen.
Tergeý málimetine sáikes uiymdastyrýshylar aqsha aýdarymdaryn júrgizý úshin "dropperlerdiń" bank shottaryn paidalanǵan. Ol úshin Qazaqstanǵa shetel azamattary arnaiy shaqyrylyp, olardyń atyna bank kartalary men mobildi banking qyzmetteri rásimdelgen. Mundai qyzmet úshin ár adamǵa 400 AQSh dollaryna deiin aqy tólengen.
QMA dereginshe, zańsyz kazino jumysyna 60-tan asa drop-shot tartylǵan. Oiynshylardan túsken qarajattyń jalpy kólemi 7,5 milliard teńgeden asqan.
Sot sanktsiiasymen Almatydaǵy bir páterge, úsh kólikke jáne dropperlerdiń bank shottaryndaǵy 158 million teńgege tyiym salyndy.
Qazir bul is boiynsha tergeý jalǵasyp jatyr.
