Elimizde 10 tamyzda Abai kúni atap ótiledi. Osyǵan orai uly aqynnyń esimine qatysty qyzyq statistika jariialandy, dep habarlaidy dalanews.kz.
Búginde Qazaqstanda Abai esimdi 18 961 adam turady. Bul esim eń kóp taralǵan óńirler - Astana qalasy (2 186 adam), Túrkistan oblysy (2 008 adam) jáne Almaty qalasy (1 740 adam).
Abai esimdi eń úlken jastaǵy qazaqstandyq 1932 jyly týǵan. Al bul esimdi ielengender arasynda 30-34 jas aralyǵyndaǵy azamattar sany basym: 3 267 adam.
Abai esimi jańa týǵan sábilerge de jii qoiylady. Biylǵy jyldyń alǵashqy jartysynda 91 balaǵa osy esim berilgen. Qazaqstanda Abai esimdi 9 áiel tirkelgen. Sonymen qatar, Ibrahim, Ibragim jáne Ibrahim esimderin ielengen 37 844 adam bar.
Uly aqynnyń esimi elimizdiń geografiialyq ataýlarynda keńinen kórinis tapqan. Qazir Abai esimimen 1 oblys, 1 qala, 3 aýdan jáne 26 aýyl atalady.
