AES qurylysyna belgili bir somada biýdjet qarajaty bólinýi múmkin. Bul týraly QR Ulttyq banktiń tóraǵasy Timýr Súleimenov 11 qazanda ótken brifing barysynda aitty, dep habarlaidy Dalanews.kz.
Ol, ázirge úkimettiń Ulttyq qordan nemese basqa da biýdjet kóziniń qarajatyn paidalaný jóninde usynysty alǵa tartyp, Ulttyq bankke júginbegenin aitady.
"Biraq, menińshe, jalpylai alǵanda, AES qurylysyn qarjylandyrý máselesi óte mańyzdy, óitkeni ol arada tehnologiia, kadr, qarjy máselesi bar degendei. Menińshe, konsortsiýmmen, kimmen bolsa da kelissózder júrgizý kezinde bizdiń qolda qandai da bir kózir bolýy kerek siiaqty. Eger biz óz tehnologiiamyzdy, kadrlarymyzdy nemese qarjymyzdy igermesek, onda bizdiń kelissózder deńgeii tómen bolady. Sondyqtan, shynymdy aitsam, biraz aqshany ózimiz shyǵaramyz degendi joqqa shyǵarmas edim", – dedi Ulttyq bank basshysy.
Iaǵni, ol bul arada syrttan investor aqshasymen kelip, tolyǵymen qarjylandyrý júrgizý jaǵdaiy bolmas úshin osylai isteý mańyzdy ekenin aitady.
"Men Qazaqstan qarjylandyrýdyń bir bóligin óz moinyna alatynyn joqqa shyǵarmas edim, ony biýdjetten tarta jatar nemese basqalai, bul bizdiń kelissózderde ustanatyn ustanymdarymyz. Biraq, eger úkimet qarjylandyrýdy qurylymdaý máselesine bizdi tartyp jatsa, biz muny talqylaityn bolamyz. Ázirge, ondai usynys bolǵan joq, buǵan áli erte siiaqty", dep sózin túiindedi Súleimenov.
