Sózimizge dálel kúni keshe Almatyda eldik mańyzy bar máselege beıjaı qaramaıtyn belsendi jastar «Beıbit atom – qýatty energıa» taqyrybynda talqylaý ótkizdi.
Sharaǵa qatysqan 60-ge jýyq komanda atom energetıkasyn damytýdyń tıimdi joldary men Atom Elektr Stansasynyń basym tustaryna toqtalyp, óz ıdeıalaryn ortaǵa saldy.
Aıta ketelik, Memleket basshysy atom energıasyn sóz etkende dabyra men daqpyrtqa boı aldyrmaý kerektigin eskertken edi.
"El arasynda túsindirý jumystaryn tabandy túrde júrgizý qajet" degen prezıdent Toqaev.
2030 jylǵa qaraı Qazaqstan energıa tapshylyǵyn tartýy múmkin. Kómirden bólinetin ýly gazdar jasyl ekonomıka bet burǵan eldiń saıasatyna qaıshy.
Tutastaı alǵanda dástúrli energıa kózderi elde jetkilikti deńgeıdegi qýat kózimen qamtýǵa dármeni jetpeı otyr.
Osy jaıtty tilge tıek etken jastar atomnyń beıbit maqsatta ıgerilýin durys sanaıtyn argýmentterdi alǵa tartty.
Búgingi tańda Qazaqstan energıanyń 70 paıyzyn kómir paıdalanatyn Jylý elektr ortalyqtarynan alady. Parıj kelisimine sáıkes 2060 jyly odan bas tartýǵa týra keledi. AES qurylysyn qoldaıtyndar atom stansıasy parnıktik gazdardyń shyǵyndylaryn azaıtady dep esepteıdi.
Baıqaýǵa tyńǵylyqty daıyndalyp, saýatty baıandama jasaǵan komandalar baǵaly syılyqtarǵa ıe boldy.
Qazaqstandyq atom elektr stansıalary mamandarynyń sózinshe, mundaı sharany uıymdastyrýdaǵy maqsat - atom energıasyn damytýdyń jan-jaqty tetikterin qarastyrý.
Pikirtalasqa bolashaq energetıkter, ınjenerler, fızıktermen qatar, túrli salada bilim alyp jatqan jastar qatysty.
Pikirtalasqa qajetti alań usynǵan G.Dáýkeev atyndaǵy AEJBÝ ýnıversıtetiniń jastar saıasaty jónindegi departament dırektory Zarema Abdýllınanyń atap ótkenindeı mundaı máselede jastardyń pikir elep-eskergen mańyzdy.
"Jastardyń jasyl ekologıamen baılanysty tanym-túsinigin keńeıtýge kúsh salý qajet. AES bolashaqtyń energıasy. Onyń máni men mańyzyn túsindirý arqyly qoǵamnyń atom energetıkasyna qatysty saýatty arttyramyz", – deıdi ol.
https://youtu.be/j3VC_yrI7WA
