«Advokattyq qyzmet jáne zań kómegin kórsetý týraly» zań jobasy talqylandy
Departament basshysynyń aitýynsha, elimizde advokattardyń jetispeýshiligi baiqalady. Zań kómegin kórsetý barysynda sapanyń tómendigi men azamattardy qorǵaý mehanizminiń joqtyǵy da sezilip otyr. Osy olqylyqtardy sheshý úshin elimizde «Advokattyq qyzmet jáne zań kómegin kórsetý týraly» jańa zań jobasy ázirlenip jatyr. Atalǵan qujatta «zań keńesshileri» dep atalatyn jeke pratikamen ainalysatyn zańgerlerdi palataǵa biriktirý máselesi kózdelip otyr. Sondai-aq, halyqaralyq tájiribedegi «Pro Bono» institýtyn engizý josparda bar.
– Qazaqstanda «Pro bono» júiesin engizý áleýmettik jáne qarjylyq jaǵdaiy tómen azamattarǵa óte tiimdi bolady. Ol halyqaralyq tájiribege sáikes keledi. Mundai kómek taraptardyń erikti kelisimi jáne jalpy qaǵida negizinde qaitarymsyz túrde kórsetiledi. Sondai-aq halyqty aqparattandyrý jáne ádiletti baǵa belgileý maqsatynda tariftik shkala kózdelip otyr. Usynylǵan tarifter eskere otyryp, azamattar zań kómeginiń orta baǵasyn anyqtaýǵa jáne habardar bolýyna bolady, – dedi Orynbasar Tastanov.
Óńirimizdegi zań kómegine júginetin azamattardyń kóptigi men advokat jetispeýshiligine erekshe mán bergen óńir basshysy jańa zań jobasynyń mańyzdylyǵyna toqtalyp, oblysymyzdaǵy advokattar qaýymdastyǵynyń jumysyn júielep, maman dariarlaý máselesine mán berýdi tapsyrdy.
– Oblysymyzda zań kómegine júginetin azamattardyń qarasy jyl sanap artyp otyr. Osy rette óńirdegi advokattar qaýymdastyǵynyń jumysyn kúsheitý qajet. Sondai-aq, advokattardy daiarlaý máselesine erekshe mán berýimiz kerek. Búginde advokattardyń bedili men biliktiligi tómendep ketken. Munyń basty sebebi - advokattyq mekteptiń áli de bolsa durys qalyptaspaǵany der edim. Sondyqtan jańa zań jobasyn barshamyz biraýyzdan qoldaýymyz qajet, – dedi Janseiit Qanseiituly.
Jańa zań aiasynda advokat bolý úshin múliktik kedergiler iaǵni kirý úshin alynatyn jarnalardy joiý kózdelýde. Sebebi advokattardyń kóbi joǵary mólsherdegi kirý jarnalaryn tólei almaidy. Onyń kólemi elimizde 800 myń teńge bolyp bekitilgen. Jańa zańnamaǵa sáikes, advokattardyń biliktiligin arttyrý mehanizmi qaita aqaralatyn bolady.
OQO ákiminiń baspasóz qyzmeti
