دەپارتامەنت باسشىسىنىڭ ايتۋىنشا، ەلىمىزدە ادۆوكاتتاردىڭ جەتىسپەۋشىلىگى بايقالادى. زاڭ كومەگىن كورسەتۋ بارىسىندا ساپانىڭ تومەندىگى مەن ازاماتتاردى قورعاۋ مەحانيزمىنىڭ جوقتىعى دا سەزىلىپ وتىر. وسى ولقىلىقتاردى شەشۋ ءۇشىن ەلىمىزدە «ادۆوكاتتىق قىزمەت جانە زاڭ كومەگىن كورسەتۋ تۋرالى» جاڭا زاڭ جوباسى ازىرلەنىپ جاتىر. اتالعان قۇجاتتا «زاڭ كەڭەسشىلەرى» دەپ اتالاتىن جەكە پراتيكامەن اينالىساتىن زاڭگەرلەردى پالاتاعا بىرىكتىرۋ ماسەلەسى كوزدەلىپ وتىر. سونداي-اق، حالىقارالىق تاجىريبەدەگى «پرو بونو» ينستيتۋتىن ەنگىزۋ جوسپاردا بار.
– قازاقستاندا «پرو بونو» جۇيەسىن ەنگىزۋ الەۋمەتتىك جانە قارجىلىق جاعدايى تومەن ازاماتتارعا وتە ءتيىمدى بولادى. ول حالىقارالىق تاجىريبەگە سايكەس كەلەدى. مۇنداي كومەك تاراپتاردىڭ ەرىكتى كەلىسىمى جانە جالپى قاعيدا نەگىزىندە قايتارىمسىز تۇردە كورسەتىلەدى. سونداي-اق حالىقتى اقپاراتتاندىرۋ جانە ادىلەتتى باعا بەلگىلەۋ ماقساتىندا تاريفتىك شكالا كوزدەلىپ وتىر. ۇسىنىلعان تاريفتەر ەسكەرە وتىرىپ، ازاماتتار زاڭ كومەگىنىڭ ورتا باعاسىن انىقتاۋعا جانە حاباردار بولۋىنا بولادى، – دەدى ورىنباسار تاستانوۆ.
وڭىرىمىزدەگى زاڭ كومەگىنە جۇگىنەتىن ازاماتتاردىڭ كوپتىگى مەن ادۆوكات جەتىسپەۋشىلىگىنە ەرەكشە ءمان بەرگەن ءوڭىر باسشىسى جاڭا زاڭ جوباسىنىڭ ماڭىزدىلىعىنا توقتالىپ، وبلىسىمىزداعى ادۆوكاتتار قاۋىمداستىعىنىڭ جۇمىسىن جۇيەلەپ، مامان داريارلاۋ ماسەلەسىنە ءمان بەرۋدى تاپسىردى.
– وبلىسىمىزدا زاڭ كومەگىنە جۇگىنەتىن ازاماتتاردىڭ قاراسى جىل ساناپ ارتىپ وتىر. وسى رەتتە وڭىردەگى ادۆوكاتتار قاۋىمداستىعىنىڭ جۇمىسىن كۇشەيتۋ قاجەت. سونداي-اق، ادۆوكاتتاردى دايارلاۋ ماسەلەسىنە ەرەكشە ءمان بەرۋىمىز كەرەك. بۇگىندە ادۆوكاتتاردىڭ بەدىلى مەن بىلىكتىلىگى تومەندەپ كەتكەن. مۇنىڭ باستى سەبەبى - ادۆوكاتتىق مەكتەپتىڭ ءالى دە بولسا دۇرىس قالىپتاسپاعانى دەر ەدىم. سوندىقتان جاڭا زاڭ جوباسىن بارشامىز ءبىراۋىزدان قولداۋىمىز قاجەت، – دەدى جانسەيىت قانسەيىت ۇلى.
جاڭا زاڭ اياسىندا ادۆوكات بولۋ ءۇشىن مۇلىكتىك كەدەرگىلەر ياعني كىرۋ ءۇشىن الىناتىن جارنالاردى جويۋ كوزدەلۋدە. سەبەبى ادۆوكاتتاردىڭ كوبى جوعارى مولشەردەگى كىرۋ جارنالارىن تولەي المايدى. ونىڭ كولەمى ەلىمىزدە 800 مىڭ تەڭگە بولىپ بەكىتىلگەن. جاڭا زاڭناماعا سايكەس، ادۆوكاتتاردىڭ بىلىكتىلىگىن ارتتىرۋ مەحانيزمى قايتا اقارالاتىن بولادى.
وقو اكىمىنىڭ باسپا ءسوز قىزمەتى
