Áriptesiniń sózin ujymdastary da rastap otyr. Ártisterdiń aitýynsha teatr ákimshiliginiń sózin sóileitinder kóp mólsherde jalaqy alady eken. Jáne bul jait sońǵy on jyldan beri jalǵasyp keledi deidi. Ádilsizdik pen zańsyzdyqtardan sharshaǵan óner adamdary basshylyqtyń ketýin talap etip otyr, dep habarlaidy Dalanews.kz Eýraziia birinshi arnasyna silteme jasap.
- Osy jumys meniń túbime jetti, zańsyzdyq she. Jiberseńdershi endi.
Bul – Nartai Bekejanov atyndaǵy drama teatr ártisi Nurjan Qaramanovtyń janaiqaiy. Óner adamy teatr direktorynyń kabinetiniń aldynda tamyryn kespek bolǵan. Oǵan birneshe sebep bar eken. Sońǵy jyldary óner ordasynda bassyzdyqtar kóbedi, basshylyq ártisterdi eki topqa bóldi. Bir topqa tolyq eńbekaqy tólense, ekinshileri tiyn sanaýǵa májbúr, deidi. Osyny ashyp aitqan Nurjan Qaramanov qýdalaýǵa ushyrapty.
Nurjan Qaramanov, Nartai Bekejan atyndaǵy mýzykalyq drama teatrynyń ártisi:
Aýyzsha suranyp kettim, ol kisi iá dedi. Iá degenine deiin barlyǵy diktofonǵa basylǵan. Qalai sonda sizder meni keshegi jazǵan aryzyma bola istep otyrsyzdar ma dep edim, ol olai ol bylai zańsyz dedi. Meniń ýájderimdi tyńdamady. Endi ári aittym beri aittym bolmady. Aqyry meni ólimge májbúrledi. Bul teatrda ádildik joq.
Oqiǵa oryna jetken ýchaskelik politsiia Nurjan Qaramanovty narkologiialyq dispanserge jetkizgen. Alaida sarapshylar óner adamynyń qanynan eshnarse anyqtamapty. Búgin jumys ornyna kelgen Nurjan aýyzdaǵy kire beristen ary óte almady.
– Murat pa kirgizbe degen?
– Iá.
– Shaqyrsai endi Muratty osy jerge. Joq qoi. Tyǵylyp qaldy ma?
– Bilmeimin joq qoi.
Al teatrdyń basqa ártisteri áriptesiniń sózin qoldap otyr. Tek basshylyq sózin sóileitinderge ǵana jaǵdai jasalǵan, deidi.
Asqar Orazaliev, Nartai Bekejan atyndaǵy mýzykalyq drama teatrynyń ártisi:
Shyndyqty aitsań jaqpai qalasyń, sosyn saǵan erteń baiqa bala ei, erteń men saǵan kórsetemin deidi. Sosyn bizde ýaiymdaimyz, oilaimyz, qorqamyz. Bala-shaǵamyz bar. Osy kúnge deiin kele jatqanymyzǵa 10 jyl boldy. Ol shyndyq. On jyldyń sońy ákelip bizdiń baýyrymyz óz-ózin pyshaqtap jatyr teatrdyń ishinde. Ol nege? Óitkeni artynan qýdalaý bastaldy.
Almagúl Artyqbaeva, Nartai Bekejan atyndaǵy mýzykalyq drama teatrynyń ártisi:
47 jyl jumys isteidi ekenmin teatrda. Men mundaidy kórgen joqpyn. Bizge ózgeris kerek. Bizge bir 7-8 adam otyryp alǵan basshy bolyp, býhgalteri bar, direktory bar, solardyń barlyǵy bileidi tósteidi. Iá bir nárse aitaiyq desek, óz ataqtaryn ózderi bólip alyp qazir jylda ataq alady biz qalys qalamyz. Myna ózgeris bolmai bizdiń teatr bolmaidy. Bizge direktordan bastap búkil komandasyn ózgertsin.
Al, teatr basshylyǵy ujymnyń talaby negizsiz degendi alǵa tartady. Basshylyqty joǵary jaq taǵaiyndaidy degen olar óz oryndaryn bosatýǵa ázir ekenderin aitady. Al Nurjan Qaramanovtyń jasaǵan is-áreketine qatysty quzyrly organǵa aryzdanamyz, dedi.
Baqytbek Temirbekov, Nartai Bekejan atyndaǵy mýzykalyq drama teatrynyń direktory mindetin atqarýshy:
Býntovat etkeni ras, ol másele direktor kabinetiniń esik aldynda sheshiletin másele emes. Onyń arnaiy qaraityn quzyrly organdary bar. Men ózimniń atymnan, mekeme atynan shaǵym túsirgenim ras. Al búgingi máselege qatysty jalpy ártisterdiń ózderiniń oiy, pikiri jaily esh nárse aita almaimyn.
"Kettik boldy. Joq jaýap berseńizshi aǵai".
Al sózge tartqan ártisterge direktor mindetin atqarýshy jaýap bergen joq. Óner adamdary jaǵdai dál osy kúiinshe qalsa teatrdyń bolashaǵy joq deidi.
Sol sebepti aimaqtaǵy jaǵdaiǵa mádeniet ministriniń óziniń tikelei aralasyp, al quzyrly organdar ishtegi barlyq bylyqtardy tekserse degen talap qoidy.
