ارىپتەسىنىڭ ءسوزىن ۇجىمداستارى دا راستاپ وتىر. ارتىستەردىڭ ايتۋىنشا تەاتر اكىمشىلىگىنىڭ ءسوزىن سويلەيتىندەر كوپ مولشەردە جالاقى الادى ەكەن. جانە بۇل جايت سوڭعى ون جىلدان بەرى جالعاسىپ كەلەدى دەيدى. ادىلسىزدىك پەن زاڭسىزدىقتاردان شارشاعان ونەر ادامدارى باسشىلىقتىڭ كەتۋىن تالاپ ەتىپ وتىر، دەپ حابارلايدى Dalanews.kz ەۋرازيا ءبىرىنشى ارناسىنا سىلتەمە جاساپ.
- وسى جۇمىس مەنىڭ تۇبىمە جەتتى، زاڭسىزدىق شە. جىبەرسەڭدەرشى ەندى.
بۇل – نارتاي بەكەجانوۆ اتىنداعى دراما تەاتر ءارتىسى نۇرجان قارامانوۆتىڭ جانايقايى. ونەر ادامى تەاتر ديرەكتورىنىڭ كابينەتىنىڭ الدىندا تامىرىن كەسپەك بولعان. وعان بىرنەشە سەبەپ بار ەكەن. سوڭعى جىلدارى ونەر ورداسىندا باسسىزدىقتار كوبەدى، باسشىلىق ارتىستەردى ەكى توپقا ءبولدى. ءبىر توپقا تولىق ەڭبەكاقى تولەنسە، ەكىنشىلەرى تيىن ساناۋعا ءماجبۇر، دەيدى. وسىنى اشىپ ايتقان نۇرجان قارامانوۆ قۋدالاۋعا ۇشىراپتى.
نۇرجان قارامانوۆ، نارتاي بەكەجان اتىنداعى مۋزىكالىق دراما تەاترىنىڭ ءارتىسى:
اۋىزشا سۇرانىپ كەتتىم، ول كىسى ءيا دەدى. ءيا دەگەنىنە دەيىن بارلىعى ديكتوفونعا باسىلعان. قالاي سوندا سىزدەر مەنى كەشەگى جازعان ارىزىما بولا ىستەپ وتىرسىزدار ما دەپ ەدىم، ول ولاي ول بىلاي زاڭسىز دەدى. مەنىڭ ۋاجدەرىمدى تىڭدامادى. ەندى ءارى ايتتىم بەرى ايتتىم بولمادى. اقىرى مەنى ولىمگە ماجبۇرلەدى. بۇل تەاتردا ادىلدىك جوق.
وقيعا ورىنا جەتكەن ۋچاسكەلىك پوليسيا نۇرجان قارامانوۆتى ناركولوگيالىق ديسپانسەرگە جەتكىزگەن. الايدا ساراپشىلار ونەر ادامىنىڭ قانىنان ەشنارسە انىقتاماپتى. بۇگىن جۇمىس ورنىنا كەلگەن نۇرجان اۋىزداعى كىرە بەرىستەن ارى وتە المادى.
– مۇرات پا كىرگىزبە دەگەن؟
– ءيا.
– شاقىرساي ەندى مۇراتتى وسى جەرگە. جوق قوي. تىعىلىپ قالدى ما؟
– بىلمەيمىن جوق قوي.
ال تەاتردىڭ باسقا ارتىستەرى ارىپتەسىنىڭ ءسوزىن قولداپ وتىر. تەك باسشىلىق ءسوزىن سويلەيتىندەرگە عانا جاعداي جاسالعان، دەيدى.
اسقار ورازالييەۆ، نارتاي بەكەجان اتىنداعى مۋزىكالىق دراما تەاترىنىڭ ءارتىسى:
شىندىقتى ايتساڭ جاقپاي قالاسىڭ، سوسىن ساعان ەرتەڭ بايقا بالا ەي، ەرتەڭ مەن ساعان كورسەتەمىن دەيدى. سوسىن بىزدە ۋايىمدايمىز، ويلايمىز، قورقامىز. بالا-شاعامىز بار. وسى كۇنگە دەيىن كەلە جاتقانىمىزعا 10 جىل بولدى. ول شىندىق. ون جىلدىڭ سوڭى اكەلىپ ءبىزدىڭ باۋىرىمىز ءوز-وزىن پىشاقتاپ جاتىر تەاتردىڭ ىشىندە. ول نەگە؟ ويتكەنى ارتىنان قۋدالاۋ باستالدى.
الماگۇل ارتىقبايەۆا، نارتاي بەكەجان اتىنداعى مۋزىكالىق دراما تەاترىنىڭ ءارتىسى:
47 جىل جۇمىس ىستەيدى ەكەنمىن تەاتردا. مەن مۇندايدى كورگەن جوقپىن. بىزگە وزگەرىس كەرەك. بىزگە ءبىر 7-8 ادام وتىرىپ العان باسشى بولىپ، بۋحگالتەرى بار، ديرەكتورى بار، سولاردىڭ بارلىعى بيلەيدى توستەيدى. ءيا ءبىر نارسە ايتايىق دەسەك، ءوز اتاقتارىن وزدەرى ءبولىپ الىپ ءقازىر جىلدا اتاق الادى ءبىز قالىس قالامىز. مىنا وزگەرىس بولماي ءبىزدىڭ تەاتر بولمايدى. بىزگە ديرەكتوردان باستاپ بۇكىل كومانداسىن وزگەرتسىن.
ال، تەاتر باسشىلىعى ۇجىمنىڭ تالابى نەگىزسىز دەگەندى العا تارتادى. باسشىلىقتى جوعارى جاق تاعايىندايدى دەگەن ولار ءوز ورىندارىن بوساتۋعا ءازىر ەكەندەرىن ايتادى. ال نۇرجان قارامانوۆتىڭ جاساعان ىس-ارەكەتىنە قاتىستى قۇزىرلى ورگانعا ارىزدانامىز، دەدى.
باقىتبەك تەمىربەكوۆ، نارتاي بەكەجان اتىنداعى مۋزىكالىق دراما تەاترىنىڭ ديرەكتورى مىندەتىن اتقارۋشى:
بۋنتوۆات ەتكەنى راس، ول ماسەلە ديرەكتور كابينەتىنىڭ ەسىك الدىندا شەشىلەتىن ماسەلە ەمەس. ونىڭ ارنايى قارايتىن قۇزىرلى ورگاندارى بار. مەن ءوزىمنىڭ اتىمنان، مەكەمە اتىنان شاعىم تۇسىرگەنىم راس. ال بۇگىنگى ماسەلەگە قاتىستى جالپى ارتىستەردىڭ وزدەرىنىڭ ويى، پىكىرى جايلى ەش نارسە ايتا المايمىن.
"كەتتىك بولدى. جوق جاۋاپ بەرسەڭىزشى اعاي".
ال سوزگە تارتقان ارتىستەرگە ديرەكتور مىندەتىن اتقارۋشى جاۋاپ بەرگەن جوق. ونەر ادامدارى جاعداي ءدال وسى كۇيىنشە قالسا تەاتردىڭ بولاشاعى جوق دەيدى.
سول سەبەپتى ايماقتاعى جاعدايعا مادەنيەت ءمينيسترىنىڭ ءوزىنىڭ تىكەلەي ارالاسىپ، ال قۇزىرلى ورگاندار ىشتەگى بارلىق بىلىقتاردى تەكسەرسە دەگەن تالاپ قويدى.
