Shyǵystanýshy-saiasattanýshy Janat Momynqulov jańadan jasaqtalǵan «Ádilet» partiiasynyń quramyna taldaý jasap, kadrlyq jańarý baiqalǵanymen, saiasi júieniń ózgerýi týraly aitýǵa áli erte ekenin málimdedi., dep habarlaidy dalanews.kz.
Onyń aitýynsha, partiianyń 110 depýtattan turatyn tizimine qaraǵanda, belgili bir deńgeide jańarý bar. Alaida bul úderis «bileýshi partiianyń saiasi elitasynyń ishinara jańaryp, qaita qurylýy» retinde baǵalanýy múmkin.
Sarapshy partiia músheleriniń ortasha jasy 46,7 ekenin atap ótti. Onyń sózinshe, jastar sanatyna jatatyn depýtattar sany nebári 13 adam nemese jalpy quramnyń 11,8 paiyzyn quraidy. Sonymen qatar 20-dan astam depýtattyń Májilis pen Senatta jumys tájiribesi bar.
«Demek, “eskiler ketip, ornyna jastar keldi” deý áli erte siiaqty. Bilik keibir burynǵy júie kadrlaryna da arqa súiemek. Quryltai sapasy menińshe buryńǵydan jaqsardy deýge keletin siiaqty», – deidi Janat Momynqulov.
Sonymen birge ol jańarý múlde bolmady degen pikirmen kelispeidi. Sarapshynyń málimetinshe, shamamen 20 adam máslihattardan kelgen bolsa, taǵy 10 shaqtysy Prezidenttik jastar kadr rezervi men Taldaý mektebiniń túlekteri. Budan bólek, partiia quramynda IT, ekologiia, volonterlik jáne ózge de kásibi salalardyń ókilderi bar.
Osyǵan bailanysty saiasattanýshy «Ádiletti» tepe-teńdikti saqtaýǵa umtylatyn saiasi kúsh retinde sipattaidy.
«Bir jaǵynan, burynǵy saiasi tájiribeni saqtasa, ekinshi jaǵynan, jańa memlekettik menedjerler men óńirlik kadrlardy ulttyq deńgeige shyǵarmaq», – deidi ol.
Momynqulovtyń pikirinshe, bul jańa saiasi elitany qalyptastyrýǵa baǵyttalǵan áreket retinde qarastyrylýy múmkin. Alaida basty másele kadrlyq ózgeriste emes, saiasattyń mazmunynda jatyr.
«Adamdar jańarǵanymen, saiasat jańara ma?» degen suraq qoiǵan sarapshy burynnan saiasatta júrgen tulǵalar jańa partiia quramynda da burynǵy ustanymdaryn saqtap qalsa, ony tolyqqandy saiasi jańarý dep ataý qiyn ekenin aitty.
Ol depýtattardyń Úkimet jumysyn baqylaýǵa qabileti, derbes ustanymy, qoǵamdyq múddeni partiialyq tártipten joǵary qoia alýy siiaqty faktorlar saiasi jańarýdyń basty kórsetkishi bolatynyn atap ótti.
«Menińshe, saiasi jańarý dál osyndai sátterde synalyp kórinedi. Óitkeni “jańa tulǵalar = jańa saiasat” degendi bildimese kerek», – dedi saiasattanýshy.
Túiindei kele, Janat Momynqulov «Ádilet» partiiasynda belgili bir jańarý bolǵanyn moiyndaǵanymen, Qazaqstannyń saiasi sahnasy túbegeili jańardy deýge áli erte ekenin jetkizdi.
«Qazir biz biliktiń aýysyp jatqanyn aita almasaq ta, saiasi elitanyń qaita formattalyp jatqanyn kórip otyrmyz. 2029 jylǵa deiin taǵy da jańa tulǵalar shyǵady, báseke bolady dep úmittenemin», – dep qorytyndylady ol.
