«Ádilet» partiiasynyń respýblikalyq sailaýaldy shtaby Túrkistan oblysyndaǵy jumys saparyn jergilikti turǵyndarmen kezdesýlerden bastady, dep habarlaidy dalanews.kz.
Kezdesý taqyryptary aýyldy damytý, kásipkerlikti qoldaý, jastarǵa múmkindik jasaý, tarihi-mádeni murany saqtaý jáne ár azamat úshin ádiletti qoǵam qalyptastyrý syndy búgingi qoǵamnyń ózekti máselelerine arnaldy.
Alǵashqy beket oblys ortalyǵyndaǵy Kongress-holl boldy. Onda partiia ókilderi ziialy qaýym ókilderi, kásipkerler, qolónershiler, qarapaiym sharýalar jáne jastarmen júzdesti. Onda partiia tóraǵasynyń orynbasary, Quryltai depýtattyǵyna kandidat Raýan Kenjehanuly «Ádiletti bolashaq úshin» sailaýaldy baǵdarlamasynyń negizgi tujyrymdamasyn tanystyrdy.
Onyń aitýynsha, qujatta 7 strategiialyq maqsat pen 10 negizgi basymdyq aiqyndalǵan. Ásirese, adam men onyń quqyqtary, qadir-qasieti jáne jan-jaqty damýyna qajetti jaǵdai jasaý baǵdarlamanyń ózegi bolyp tabylady. Eń basty mindetterdiń biri – ár azamattyń eńbegi, bilimi men jaýapkershiligi arqyly tabysqa jetýine múmkindik beretin múmkindikter ekonomikasyn qalyptastyrý.
Ashyq ári erkin pikir almasý formatynda ótken jiynda qatysýshylar ózderin tolǵandyrǵan máselelerdi kóterip, naqty usynystaryn jetkizdi. Shtab ókilderi Túrkistannyń rýhani murasyn saqtaý máselesinde ulttyq mádeni kodty qorǵaý partiia saiasatynyń basym baǵyttarynyń biri ekenin erekshelep aitty. Osyǵan bailanysty kieli oryndardy júieli qorǵaý, rýhani-aǵartýshylyq jobalardy damytý jáne halyqtyń tarihi jadyn saqtap otyrǵan qolónershilerdiń quqyqtyq mártebesin aiqyndaityn arnaiy zań qabyldaý josparlanyp otyr.
Jastardy qoldaý, jumyspen qamtý jáne aýyldyq aýmaqtardy damytý máselelerine qatysty partiia ókilderi 1 million sapaly jumys ornyn ashý, jasandy intellekt salasynda 100 myń maman daiarlaý, TUMO innovatsiialyq ortalyqtary men injenerlik mektepter ashý josparlarymen tanys etti. Sonymen qatar aýyldardy joǵary jyldamdyqty internetpen qamtamasyz etý, jas kásipkerlerge jeńildetilgen nesie berý jáne jastardyń memlekettik basqarýǵa qatysý múmkindikterin keńeitý kózdelgen.
Aýyz sý, gazdandyrý, joldardy jóndeý jáne jaiylym jerlerdiń tapshylyǵy siiaqty ózekti infraqurylymdyq máselelerdi partiia ókilderi tsifrlyq teńge tetigi arqyly qatań tsifrlyq baqylaýǵa alýǵa nietti ekenderin jetkizdi.
Óz kezeginde óńir turǵyndary da ózderin tolǵandyrǵan saýaldarǵa jan-jaqty jaýap alyp, saiasi uiymǵa qoldaýlaryn bildirip jatty.
«Ádilet» partiiasynyń tóraǵasy, respýblikalyq sailaýaldy shtabtyń jetekshisi Aibek Dádebaidyń aitýynsha, Túrkistan – rýhani jáne ekonomikalyq áleýeti óte joǵary óńir. Onyń pikirinshe, búgingi ashyq dialog turǵyndardyń oń ózgeristerge degen seniminiń joǵary ekenin kórsetti.
«Biz oryndalmaityn ýáde bermeimiz, oryndalatyn mindetterdi moiynymyzǵa alamyz. Partiiamyz halyqpen erkin suhbat ótkizýge daiyn. Osy zalda jaqsy pikirler aityldy. Ótkir suraqtar qoiyldy. Osylai erkin pikir almasý – biz úshin óte mańyzdy. Óitkeni halyqpen ashyq sóilespeitin saiasattyń bolashaǵy bolmaidy. Osynda aitylǵan ár usynysty aldaǵy jumysymyzdyń baǵytyna ainaldyramyz», – dedi Aibek Dádebai.
Sondai-aq, partiia aýyldyq jerlerde sport infraqurylymyn damytý jáne tárbielenýshileri joǵary nátije kórsetken jattyqtyrýshylarǵa yntalandyrý ústemaqysyn engizýdi usynady.
Eske salaiyq, «Ádilet» partiiasynyń Quryltai depýtattaryn sailaý naýqanyna resmi túrde qatysýy 23 shilde kúni Astanada bastaldy. Qazir elimiz boiynsha 20 óńirlik, 226 aýmaqtyq shtab jumys istep, partiianyń shamamen 30 myń senimdi ókili sailaýaldy jumystarǵa tartylǵan. «Ádiletti bolashaq úshin» sailaýaldy baǵdarlamasynyń tolyq mátinimen partiianyń resmi saitynda tanysýǵa bolady.
Sailaýaldy baǵdarlamanyń tolyq mátinin "Ádilet" partiiasynyń saitynan oqi alasyzdar
Daiyndaǵan:
«Ádilet» partiiasynyń baspasóz qyzmeti. «Ádilet» partiiasy» QB sailaý qorynyń qarajaty esebinen tólendi.
Tapsyrys berýshi: N.T. Myńjasarov.
