Akter Ádil Ahmetov áleýmettik jelide elimizde qolǵa alynǵan Konstitýtsiialyq reforma jaiynda pikir bildirip, jańa Ata zań jobasyndaǵy tarihi-mádeni murany qorǵaý máselesine nazar aýdardy, dep habarlaidy Dalanews.kz.
«Sahna – tek óner emes, ol halyqtyń jady. Ár ról arqyly biz ótkenniń únin búginge jetkizemiz, ulttyq rýhty sezinemiz. Sondyqtan jańa Konstitýtsiia jobasynyń 40-babynda tarihi-mádeni murany qorǵaý ár azamattyń jaýapkershiligi retinde aiqyn kórsetilýi – ýaqyt talabyna sai mańyzdy sheshim dep qabyldaimyn», - dep jazdy akter.
Onyń aitýynsha, bul – ulttyq jadymyzdy saqtap, mádeni qundylyqtardy keler urpaqqa aman jetkizýdiń berik negizi.
«Mádenietin qurmettegen qoǵamnyń bolashaǵy da nyq bolady. 15 naýryz – el damýynyń jańa kezeńine qatysty mańyzdy kún. Ortaq bolashaq – ortaq jaýapkershilik», - dep sózin túiindedi óner iesi.
