Júsipbek Aimaýytuly Qoshke Kemeńgerulyna ádebiet týraly jazǵan hatynda bylai degen bolatyn: «Ádebiet - ulttyń jany. Ulttyq sana, taǵdyr, jan júiesi - kórkemónerdiń basty taqyryby. Taptyq jik arqyly ádebiet jasalmaidy...». Búgingi urpaq biz de osy sózdi qýattaimyz.
Iia, ádebiet bai men kedei, anaý men mynaý, Serik pen Amanhan, ia bolmasa Myrzan Kenjebai, "aǵasy men kókesiniń" ózara las, qusyqqa toly tartysy emes. Portalǵa kelip túsken dúnieni amalsyz jariialaimyz. Sol baiaǵy sóz bolmasyn dep. Sońynda biz kináli bolamyz. Qyzyq?!
Táńirim-aý, Ádebiet degeniń ińkár dúnie emes pe?! Ádebiet degen - búgingi kózi tiri Tynyshtyqbektiń jupar ańqyǵan tolǵaýlary, Járken shaiyrdyń saǵynysh burqyraǵan jyrlary, Esenǵalidyń tumadan tunǵan tamshydai móldir Ar dúniiasy, Suraǵannyń surapyl oilary, Temirhannyń týlaǵan tegeýirindi Rýh daýysy, Meiirhannyń syrbaz ham tekti tebirenisi, Nesipbektiń arǵymaqtai aǵylǵan, qyrandai erkin qalyqtaǵan poeziiasy, Ulyqbektiń jorǵa jyrlary, Qasymhan men Svetqalidiń iman ańqyǵan, aspandai ashyq, aimańdai tolǵaýlary, Gúlnárdyń júrek janaryn mólt etkizetin Jan kúbiri, Jannanyń kókiregińe lyq etkizip ystyq óksik ákeletin teńizdei tunyq, tereń, ádemi áýendi óleńderi emes pe?!
Ainalaiyndar-oý, ádebiet degen artyndaǵy jas óskin jastarmen jaǵalasý ma?! Ádebiet degen - ádep emes pe?! Aqyn ia jazýshy ózine baǵa bere almaidy nemese bergen baǵasy ózimen birge óledi. Shyǵarma ǵana máńgi tiri! Uiat emes pe?!
Ádebiet degen - Jan tazalyǵy!
Ádebiet degen - búgingi kózi tiri aqiqatty burmalamaityn, káýsar áńgimelerimen sýsyndatyp júrgen, Táńiriniń tańdaýy túsken Tólen, qazaqtyń janyn kúlip otyryp, jylap otyryp sóiletetin Tynymbai, el tarihyn jeldei esiltip jazatyn Qabdesh pen Qajyǵali, qara sózdi qoidai órgizetin Rahymjan, Tursynjan, Marhabat, Nesipbek! Adamnyń soqyrlyǵynan, sózdiń soqyrlyǵy jaman! Amal ne?!
Baýyrjan Qaraǵyzulynyń feisbýktegi paraqshasynan alyndy
