Tailandta "tsifrly ámiian" baǵdarlamasy iske qosyldy. Baǵdarlama iske qosylǵan birinshi kúni 3 mln tai azamatynyń árqaisysynyń esep-shotyna Úkimetten 10 myń battan (shamamen 300 dollar) aqsha kelip tústi. Birinshi kezeńde tai halqynyń eń osal toptary, iaǵni áleýmettik qamsyzdandyrý kartasyn ustaýshy 14,5 mln adam qarjylyq qoldaýmen qamsyzdandyrylmaq, dep habarlaidy Dalanews.kz.
Birinshi kezeń osy aidyń sońyna qarai aiaqtalady dep kútiledi. Adamdar sany 71 millionnan turatyn Tailand halqynyń 36 milliony osy baǵdarlamaǵa tirkelgen. Bastapqyda aqsha smartfondaǵy qosymsha arqyly "tsifrlyq ámiianǵa" túsedi dep josparlanǵan, alaida bul amaldy engizý keiinge qaldyryldy. Qazir qarajat azamattardyń banktik shottaryna tikelei túsýde, dep jazady RB.RU.
"Bul aqsha tailandtyqtardyń qolyna tise, olardyń kirisi birshama artady", - dedi el premer-ministri Phetongthan Chinavat.
Úkimet aqshany ne úshin taratyp jatyr?
Tailand halqyna aqsha taratý 2023 jylǵy Pheu Thai basqarýshy partiiasynyń sailaýaldy baǵdarlamasynyń bir tarmaǵynda qamtylǵan. Bul tólemderdi aýdarý úshin Úkimet biýdjetten 450 milliard bat (13,7 milliard dollar) bólýdi josparlap otyr.
Pheu Thai bul shara tutynys naryǵyn yntalandyrýǵa múmkindik beredi, sóitip ol eldiń iskerlik belsendiligin, ekonomikalyq ósimin arttyrýǵa yqpal etedi dep sanaidy.
Mamandar bul baǵdarlamanyń ómirsheńdigine kúmánmen qaraidy. Nege?
Alaida, Reuters habarlaǵandai, Tailandtyń Ortalyq bankiniń eki burynǵy basshysy bul sharany qarjylyq jaýapsyzdyq dep atady. Saýalnamaǵa qatysqan Financial Times sarapshylar da baǵdarlamanyń bolashaǵy kúmán týǵyzatynyn aityp, onyń tek bir rettik sipatqa ie jáne ekonomikalyq ósimge yqpal etýi ekitalai ekenin basa atap ótken.
Aita ketsek, Qazaqstanda 2024 jyldyń 1 qańtardan bastap "Ulttyq qor - balalarǵa" jobasy iske qosylǵan. Oǵan sáikes, barlyq balalarǵa jyl saiyn ulttyq qordyń investitsiialyq kirisiniń 50% esepteledi. Balalar 18 jasqa tolǵanǵa deiin investitsiialyq kiris merziminen buryn alý quqyǵynsyz esepteledi. Bala 18 jasqa tolǵanda BJZQ-da oǵan arnalǵan nysanaly jinaqtaý shottary ashylady. Bul shottan aqshany turǵyn úige jáne bilim alýǵa paidalanýǵa bolady.
"Ulttyq qor – balalarǵa" jobasy aiasynda 2024 jyly elimizdegi 6,9 mln balanyń árqaisysynyń esepshotyna 100,5 dollardan tústi. Jalpy somasy – 695 mln dollar. Bul qarjy Ulttyq banktiń senimgerlik basqarýynda bolady. Esepshottaǵy qarjyny depozitke salýǵa nemese ýaqytynan buryn sheship alýǵa múmkindik joq.
