Absolúttik sýyq

Dalanews 18 maý. 2015 02:20 242

Massachýsets tehnologıa ınstıtýtynyń fızıkteri absolúttik nóldik mınýs temperatýraǵa qol jetkizgenderin málim etti. Olar natrıı men kalııdiń molekýlasyn 500 nanokelvınge deıin salqyndatqan. 

Bul is-tájirıbe ǵylymdy tyń jańalyqtarǵa bastaýy múmkin. Búginde ǵarysh keńistigindegi eń sýyq temperatýra – 273,15°C gradýs. Osyǵan deıin zerthanalyq jaǵdaıda mundaı deńgeıge deıin salqyndatý múmkin emes bolyp kelgen edi. Sýyqtyqtyń mundaı sheginde kózge kórinbeıtin mıkroorganızmderdiń ózi tirshilik etýin toqtatatyny belgili. Óte tómen temperatýrada materıanyń bólshekteri qandaı kúıge túsetini ǵalymdardy qatty qyzyqtyrýda.

Martın Svırláın bastaǵan ǵalymdar bul baǵytta tereń zertteý jumystaryn júrgizip, mańyzdy nátıjege qol jetkizdi. Olar óte tómengi temperatýraǵa tózimdi natrıı men kalııdiń molekýlasyn joǵary dáldikte jumys isteıtin lazerlik qondyrǵynyń kómegimen alyp, ony óte tómengi temperatýrada sýytty. Osylaısha ǵalymdar óte tómengi temperatýranyń arqasynda NaK molekýlasyna qol jetkizgen. Eskerte ketemiz, eń tómengi sýyqtyq bar bolǵany 2,5 sekýndqa ǵana saqtalǵan.

Usynylǵan
Sońǵy jańalyqtar
x