ابسوليۋتتىك سۋىق

Dalanews 18 ماۋ. 2015 02:20 79

ماسساچۋسەتس تەحنولوگيا ينستيتۋتىنىڭ فيزيكتەرى ابسوليۋتتىك نولدىك مينۋس تەمپەراتۋراعا قول جەتكىزگەندەرىن ءمالىم ەتتى. ولار ناتريي مەن كالييدىڭ مولەكۋلاسىن 500 نانوكەلۆينگە دەيىن سالقىنداتقان. 

بۇل ىس-تاجىريبە عىلىمدى تىڭ جاڭالىقتارعا باستاۋى مۇمكىن. بۇگىندە عارىش كەڭىستىگىندەگى ەڭ سۋىق تەمپەراتۋرا – 273،15°C گرادۋس. وسىعان دەيىن زەرتحانالىق جاعدايدا مۇنداي دەڭگەيگە دەيىن سالقىنداتۋ مۇمكىن ەمەس بولىپ كەلگەن ەدى. سۋىقتىقتىڭ مۇنداي شەگىندە كوزگە كورىنبەيتىن ميكروورگانيزمدەردىڭ ءوزى تىرشىلىك ەتۋىن توقتاتاتىنى بەلگىلى. وتە تومەن تەمپەراتۋرادا ماتەريانىڭ بولشەكتەرى قانداي كۇيگە تۇسەتىنى عالىمداردى قاتتى قىزىقتىرۋدا.

مارتين سۆيرلياين باستاعان عالىمدار بۇل باعىتتا تەرەڭ زەرتتەۋ جۇمىستارىن جۇرگىزىپ، ماڭىزدى ناتيجەگە قول جەتكىزدى. ولار وتە تومەنگى تەمپەراتۋراعا ءتوزىمدى ناتريي مەن كالييدىڭ مولەكۋلاسىن جوعارى دالدىكتە جۇمىس ىستەيتىن لازەرلىك قوندىرعىنىڭ كومەگىمەن الىپ، ونى وتە تومەنگى تەمپەراتۋرادا سۋىتتى. وسىلايشا عالىمدار وتە تومەنگى تەمپەراتۋرانىڭ ارقاسىندا NaK مولەكۋلاسىنا قول جەتكىزگەن. ەسكەرتە كەتەمىز، ەڭ تومەنگى سۋىقتىق بار بولعانى 2،5 سەكۋندقا عانا ساقتالعان.

ۇسىنىلعان
سوڭعى جاڭالىقتار