Marqumnyń janaza namazyn Ábsattar qajynyń shákirti, QMDB Tóraǵasy, Bas múfti Naýryzbai qajy Taǵanuly oqyp, qaiǵy jamylǵan áýletke sabyr tiledi.
"Ábsattar qajy Baǵysbaiuly elimizdiń din salasyna ǵana emes, ult rýhaniiatyna súbeli úles qosqan biregei tulǵa edi. Tarihta aty qalǵan igi jaqsylardy qaita tiriltip, elmen qaýyshtyrdy. Qazaqstan musylmandarynyń birligi men bilimdi bolýyna kóp kúsh saldy.
Qurban aittyń alǵashqy kúniniń memlekettik mereke retinde qabyldanýyna atsalysty.
Kesheden beri Ábsattar qajynyń áýleti men ózi on jyldan astam ýaqyt basqarǵan Qazaqstan musylmandary dini basqarmasyna jan-jaqtan kóńil aitý jedelhattary kelip jatyr.
Memleket basshysy Qasym-Jomart Toqaev, Elbasy Nursultan Nazarbaevtan bólek, alys-jaqyn shetelderdegi Dini basqarmalardyń bas múftileri qaiǵymyzǵa ortaqtasyp, kóńil aitýda. Tipti Ábsattar aǵamyz aýrýhanaǵa tústi degende kúlli Qazaq eli alaqanyn jaiyp, Alladan shipa tiledi.
Mineki, Haqqa da, halyqqa da qyzmet etken tulǵanyń qandai abyroily, jaqsy azamat bolǵany osydan-aq belgili. Aǵamyzdyń otbasy men aǵaiyn-týysyna kórkem sabyr, jeńildik tileimin. Rýhyńyz shat, barar mekenińiz jánnat bolǵai!, - dedi Bas múfti.
