مارقۇمنىڭ جانازا نامازىن ەبساتتار قاجىنىڭ شەكٸرتٸ, قمدب تٶراعاسى, باس مٷفتي ناۋرىزباي قاجى تاعانۇلى وقىپ, قايعى جامىلعان ەۋلەتكە سابىر تٸلەدٸ.
"ەبساتتار قاجى باعىسبايۇلى ەلٸمٸزدٸڭ دٸن سالاسىنا عانا ەمەس, ۇلت رۋحانيياتىنا سٷبەلٸ ٷلەس قوسقان بٸرەگەي تۇلعا ەدٸ. تاريحتا اتى قالعان يگٸ جاقسىلاردى قايتا تٸرٸلتٸپ, ەلمەن قاۋىشتىردى. قازاقستان مۇسىلماندارىنىڭ بٸرلٸگٸ مەن بٸلٸمدٸ بولۋىنا كٶپ كٷش سالدى.
قۇربان ايتتىڭ العاشقى كٷنٸنٸڭ مەملەكەتتٸك مەرەكە رەتٸندە قابىلدانۋىنا اتسالىستى.
كەشەدەن بەرٸ ەبساتتار قاجىنىڭ ەۋلەتٸ مەن ٶزٸ ون جىلدان استام ۋاقىت باسقارعان قازاقستان مۇسىلماندارى دٸني باسقارماسىنا جان-جاقتان كٶڭٸل ايتۋ جەدەلحاتتارى كەلٸپ جاتىر.
مەملەكەت باسشىسى قاسىم-جومارت توقاەۆ, ەلباسى نۇرسۇلتان نازارباەۆتان بٶلەك, الىس-جاقىن شەتەلدەردەگٸ دٸني باسقارمالاردىڭ باس مٷفتيلەرٸ قايعىمىزعا ورتاقتاسىپ, كٶڭٸل ايتۋدا. تٸپتٸ ەبساتتار اعامىز اۋرۋحاناعا تٷستٸ دەگەندە كٷللٸ قازاق ەلٸ الاقانىن جايىپ, اللادان شيپا تٸلەدٸ.
مٸنەكي, حاققا دا, حالىققا دا قىزمەت ەتكەن تۇلعانىڭ قانداي ابىرويلى, جاقسى ازامات بولعانى وسىدان-اق بەلگٸلٸ. اعامىزدىڭ وتباسى مەن اعايىن-تۋىسىنا كٶركەم سابىر, جەڭٸلدٸك تٸلەيمٸن. رۋحىڭىز شات, بارار مەكەنٸڭٸز جەننات بولعاي!, - دەدٸ باس مٷفتي.
