Túrkistan qalasynda Túrkistan oblysy bilim berý uiymdarynyń basshylyq quramy men muǵalimderine arnalǵan «Bilim alýshylarda pándik jáne tsifrlyq quzyrettilikterdi, fýnktsionaldyq saýattylyqty jáne ikemdi daǵdylardy qalyptastyrý» biliktiligin arttyrý kýrsy aiasynda plenarlyq otyrys ótti.
Plenarlyq otyrysqa QR Ǵylym jáne joǵary bilim ministrligi Joǵary jáne joǵary oqý ornynan keiingi bilim komitetiniń tóraǵa orynbasary Gýljan Djarasova, Abai atyndaǵy QazUPÝ rektory Bolat Tilep, Túrkistan oblysy ákiminiń orynbasary Beisenbai Tájibaev, Túrkistan oblysy Bilim basqarmasynyń ókilderi, óńirdegi bilim berý uiymdarynyń basshylary men muǵalimderi qatysty.
Rektor Bolat Tilep Abai ýniversitetiniń qyzmeti men jetistikterine toqtalyp, jalpy bilim berý salasyndaǵy kadrlar tapshylyǵy máselesin joiýǵa, sondai-aq jańa formatsiiadaǵy pedagog kadrlardy daiarlaýǵa, pedagogterdiń biliktiligin arttyrýǵa jáne qaita daiarlaýǵa baǵyttalǵan ýniversitettiń bastamalary týraly egjei-tegjeili aityp berdi.
Bilim sapasyn arttyrý úshin pedagogtar men bilim berý uiymdarynyń basshylaryn qaita daiarlaý men biliktiligin arttyrýdyń mańyzdylyǵyna erekshe nazar aýdaryldy. Mundai bastamalar bilim berýdiń zamanaýi ádisterin engizýge jáne bolashaq mamandardy daiarlaý úshin qajetti kásibi quzyrettilikterdi damytýǵa yqpal etetini atap ótildi. Bul óz kezeginde jalpy bilim berý júiesine, onyń sapasyna oń áserin tigizedi.
Is-shara barysynda oqý úderisine tsifrlyq tehnologiialardy engizý, oqýshylardyń fýnktsionaldyq saýattylyǵyn arttyrý ádisteri, sonymen qatar zamanaýi bilim berý jaǵdaiynda qajetti daǵdylardy damytý siiaqty ózekti máseleler talqylandy. Óskeleń urpaqtyń bilim sapasy men saýatty tulǵa bolyp qalyptasýy ustazdardyń kásibi sheberligi men biliktiligine tikelei bailanysty ekendigine erekshe nazar aýdaryldy.
Plenarlyq sessiia aiasynda Abai atyndaǵy QazUPÝ professorlary: QR UǴA akademigi Alma Ábilqasymova «Tsifrlyq tehnologiialar orta mektep pen joǵary pedagogikalyq oqý ornynda matematikalyq bilim berýdiń sabaqtastyǵynyń faktory retinde» taqyrybynda, Pedagogikalyq ǵylymdar akademiiasynyń prezidenti, akademik Asqarbek Qusaiynov «Ustaz quzireti – bilim sapasynyń qainar kózi» taqyrybynda mazmundy baiandama jasap, óz tájiribelerimen bólisti.
Aita ketý kerek, 6-7 maýsymda Abai atyndaǵy QazUPÝ ókilderi biliktilikti arttyrý kýrstaryn ótkizdi, oǵan Túrkistan oblysynyń jalpy bilim berý mekemelerinen 150-den astam tyńdaýshy qatysty. Atalǵan is-shara Túrkistan oblysynyń jalpy bilim berý uiymdary basshylary men pedagogtarynyń biliktiligi men kásibi quzyrettiligin josparly túrde arttyrý maqsatynda Abai ýniversitetiniń bastamasymen Túrkistan oblysy ákimdiginiń qoldaýymen uiymdastyryldy.
Bul bastama muǵalimderdiń kásibi sheberligin shyńdaýda jańa serpin berip, bilim sapasyn arttyrýǵa jáne bilim berýdiń zamanaýi ádisterin engizýge yqpal etti.
Is-shara nátijesinde Abai ýniversiteti men Túrkistan oblysynyń ákimdigi arasynda ózara yntymaqtastyq týraly kelisim jasaldy.
