2026 jyldyń birinshi toqsanynda Qazaqstanda halyqtyń jan basyna shaqqandaǵy ortasha ataýly aqshalai tabysy aiyna 252 619 teńgeni qurady, dep habarlaidy dalanews.kz.
Ulttyq statistika biýrosynyń aldyn ala málimetinshe, bul kórsetkish 2025 jyldyń sáikes kezeńimen salystyrǵanda 11,8%-ǵa ósken.
Alaida osy kezeńdegi tutyný baǵalary indeksi 11,7%-dy quraǵandyqtan, halyqtyń naqty aqshalai tabysy nebári 0,1%-ǵa ǵana artqan.
Óńirler arasynda jan basyna shaqqandaǵy eń joǵary ortasha ailyq tabys Almaty qalasynda tirkeldi – 408 182 teńge. Ekinshi orynda Ulytaý oblysy tur, onda bul kórsetkish 353 036 teńgeni qurady.
Al ataýly aqshalai tabystyń eń joǵary ósimi Almaty oblysynda baiqaldy – 19,1%. Odan keiin Qaraǵandy oblysy keledi, munda halyq tabysy bir jylda 16,4%-ǵa ósken.
Ulttyq statistika biýrosy bul málimetterdiń aldyn ala ekenin jáne bastapqy aqparat naqtylanýyna bailanysty qaita eseptelýi múmkin ekenin atap ótti.
