Aqtaýdaǵy dámhanalardyń birinde bolǵan janjal kezinde er adamnyń betine oq atylyp, kúdikti ustaldy, dep habarlaidy dalanews.kz.
Mańǵystaý oblystyq politsiia departamentiniń málimetinshe, oqiǵa 8 shildege qaraǵan túni qaladaǵy qoǵamdyq tamaqtaný oryndarynyń birinde bolǵan.
Aldyn ala málimet boiynsha, eki kelýshi arasynda janjal shyǵyp, onyń barysynda kúdikti «Ańshy signaly» atty iske qosylatyn signaldyq qurylǵyny qoldanyp, qarsylasynyń betine jaraqat salǵan.
Oqiǵadan keiin zardap shekken azamatqa meditsinalyq kómek kórsetilip, keiin úiine jiberilgen. Dárigerler onyń ómirine qaýip joq ekenin habarlady.
Politsiia atalǵan derek boiynsha buzaqylyq baby negizinde qylmystyq is qozǵady.
Kúdikti jedel túrde anyqtalyp, ustalyp, ýaqytsha ustaý izoliatoryna qamaldy. Qazirgi ýaqytta sotqa deiingi tergeý amaldary jalǵasyp jatyr.
