Bastaýysh synyptarda BJB men TJB-ny alyp tastaý máselesi keńinen talqylanyp jatyr. Bul týraly oqý-aǵartý ministri Juldyz Súleimenova málimdedi, dep habarlaidy dalanews.kz.
Ministrdiń aitýynsha, vedomstvo bastaýyshtaǵy baǵalaý júiesine qatysty halyqaralyq tájiribeni zerdelep jatyr. Onyń sózinshe, kóptegen elde bastaýysh synyp oqýshylaryna mundai baǵalaý túrleri qoldanylmaidy.
Juldyz Súleimenovanyń pikirinshe, bastaýysh kezeńde balalardy baǵalaýdan góri olardyń oqýǵa degen qyzyǵýshylyǵyn arttyrý, mektepke beiimdelýi men qarym-qatynas daǵdylaryn damytý mańyzdy. Ministrlik formativti baǵalaýdy saqtaýdy kózdep otyr. Ol arqyly oqýshynyń materialdy qanshaly meńgergeni, oqý daǵdylary baǵalanbaq.
"Búginde bastaýyshtaǵy barlyq pándegi bólim boiynsha baǵalaýdy, toqsan boiynsha baǵalaýdy alyp tastaý máselesin keńinen talqylap jatyrmyz", - dedi sheneýnik.
Sondai-aq, bul bastama muǵalimderdiń júktemesin azaitýdy da kózdeidi. Ministrdiń aitýynsha, bastaýysh synyp muǵalimderi barlyq pán boiynsha myńdaǵan baǵalaý jumysyn tekserýge májbúr, bul olardyń balalarmen tikelei jumys isteý ýaqytyna áser etedi.
Bul másele tamyz keńesinde jan-jaqty talqylanyp, sheshimin tappaq.
