Abai oblysynda Naýryz meiramy keńinen atap ótilip jatyr. Meiramǵa arnaiy qurylǵan baǵdarlamada: ulttyq oiyndarǵa, túrli qoiylymdar, kontsertter jáne t.b. óńirde buryn-sońdy bolmaǵan is-sharalar bar.
«Búgin mine, hakim Abai týǵan topyraqta, Ulystyń uly kúni – keń peiil, aq niet, dostyq kóńil, eldik múdde turǵysynan erekshe atap ótip jatyr. Ylaiym, halqymyzdyń berekesi artyp, mereii ústem bolsyn! Kún men túndi teńep, irgemizdi izgilikke bólegen áz-Naýryz barshamyzǵa shattyq syilasyn! Baǵyty aiqyn, maqsaty biik, taǵdyry ortaq Abai eliniń abyroiy asqaq, mereii ústem bolsyn!», - dep aimaq basshysy Nurlan Uranhaev turǵyndardy quttyqtady.
Budan bólek oblys ortalyǵy turǵyndary men qonaqtaryna arnap bylǵary zaýyty, Qaraǵaily shaǵynaýdanynda, Áýezov alańy, temirjol vokzaly aldynda teatrlandyrylǵan qoiylymdar qoiylady. Qalada barlyǵy 30 kiiz úi tigildi.
Aita ketsek, Naýryz meiramyn Abai oblysynda keń kólemde atap ótý jalǵasa beredi. Arnaiy ázirlengen baǵdarlamaǵa sáikes óńirdiń qala jáne aýdandarynda is-sharalar aidyń aiaǵyna deiin uiymdastyrylady.
