Tótenshe jaǵdai qyzmeti mamandaryna arnalǵan tehnika respýblikalyq jáne oblystyq biýdjetten bólingen qarajat esebinen satyp alynǵan.
Jańa kólikter adam ómiri men múlkin saqtap qalýǵa qajetti zamanaýi órt sóndirý, jedel meditsinalyq, bailanys jáne navigatsiialyq quraldarmen, joǵary tiimdi órt sóndirý júielerimen jabdyqtalǵan.
Nurlan Uranhaev mamandyq ókilderin shyn júrekten quttyqtap, olardyń jankeshti eńbekterin atap ótti.
– Antyna adal, sertine berik, el taǵdyryn óz taǵdyrynan biik qoiyp, erliktiń jarqyn úlgisin kórsetken sala qyzmetkerlerine zor alǵysymdy bildiremin! Sizderdiń eńbekterińiz qurmetke laiyq! Árine, qyzmetkerlerdiń turmys sapasyn jaqsartyp, qoldaý sharalaryn kórsetý qajet.
Biz oǵan árqashan da ázirmiz! Kásibi mereke qarsańynda, barshańyzǵa myqty densaýlyq, otbasylaryńyzǵa amandyq, bereke-birlik tileimin! Batyrlyq pen alǵyrlyqty bir arnaǵa toǵystyrǵan qyzmette árqashan abyroi biiginen kórine berińizder! – dep quttyqtady oblys basshysy.
Shara aiasynda jas ofitserler maqtaý qaǵazdary men alǵys hattarmen marapattaldy.
2023 jyldyń basynan beri Abai oblysynda 847 tótenshe jaǵdai tirkeldi. Onyń ishinde 612 jaǵdai óndiristik jáne turmystyq órtke qatysty. Biylǵy jyldyń 9 aiynda qutqarýshylar 2106-dan astam avariialyq-qutqarý jumystaryn júrgizip, tótenshe jaǵdailarda keltirilgen shyǵyndy azaitýǵa barynsha kómektesti. Sondai-aq, 309 eresek adam men 43 bala qutqaryldy.
