Abai oblysynyń Qurmetti azamaty ataǵy tabystaldy
Oblys ákimdiginde «Abai oblysynyń Qurmetti azamaty» ataǵyn tabystaý rásimi ótti. Aimaq basshysy Nurlan Uranhaev óńirdiń damýyna eleýli úles qosqan jerlesterimizdiń eńbegin atap ótip, olarǵa airyqsha belgisin saltanatty túrde tabystady.
«Búgin biz, ekinshi márte, óńirdiń eń joǵary nagradasy – «Abai oblysynyń qurmetti azamaty» ataǵyn tabystaý úshin bas qosyp otyrmyz. Bul – elge adal qyzmet jasap, qurmetke bólengen, halyqtyń alǵysy men batasyn alǵan jerlesterimizge arnalǵan mártebeli ataq. Marapat ieleriniń árqaisysy, óńirge, elge tanymal. Tipti sheteldikter jaqsy tanityn jerlesimiz de bar. Sondyqtan barlyǵy qurmetke laiyq dep sanaimyz», - dedi oblys ákimi óz sózinde.
«Abai oblysynyń Qurmetti azamaty» ataǵy:
1. Qazaq KSR-niń Halyq ártisi, Qazaqstannyń eńbek Eri, Qazaqstan Respýblikasynyń eńbek sińirgen ártisi Roza Qýanyshqyzy Rymbaeva;
2. «Vestnik», «Adam. Energiia. Atom» jýrnaldardyń bas redaktory jáne QR Ulttyq iadrolyq ortalyǵynyń tóraǵasy Erlan Ǵadletuly Batyrbekov;
3. Filologiia ǵylymdarynyń doktory, professor, «Qazaq SSR Halyq aǵartý isiniń úzdigi», «Qazaqstan Respýblikasynyń Bilim berý isiniń qurmetti qyzmetkeri», QR Eńbek sińirgen qairatkeri Arap Slámuly Espenbetov;
4. «Samruk-Kazyna Construction» AQ Direktorlar keńesiniń múshesi Aleksandr Aleksandrovich Miliýtin;
5. «Zaitenov» sharýa qojalyǵynyń basshysy Erlan Ámirbekuly Zaitenovke berildi.
Airyqsha belgi erekshe maǵynaǵa ie. Ondaǵy aq tús tazalyqty, ádildikti jáne sheksizdikti kórsetedi. Kók - beibitshiliktiń, tynyshtyq pen jaqsylyqtyń simvoly. Altyn tús bailyq pen ulylyqty bildiredi. Belginiń ortasynda jeti qyrymen qorshalǵan Abai oblysynyń kontýry beinelengen, olardyń árqaisysy onyń damýynyń negizgi baǵyttaryn: mádeniet, óner, bilim, ǵylym, óndiris, innovatsiia jáne basqa da salalardy beineleidi.
