Búgin aimaq basshysy Berik Ýáli Semei qalasyndaǵy soǵys ardagerlerin Uly Jeńistiń 80 jyldyǵymen quttyqtady,- dep habarlaidy Dalanews.kz
Oblys ákimi áýeli 104 jastaǵy soǵys ardageri, «Halyq qaharmany» Ábdiǵali Qaimoldinniń shańyraǵyna bardy. Ábdiǵali Qaimoldin 1941 jyly ásker qataryna shaqyrylyp, 1945 jyldyń 9 mamyryna deiingi aralyqta Stalingrad, 1-Ýkraina, 1-Belarýs, 3-Baltyq maidandaryna qatysady. Harkovti azat etýge atsalysady.
2023 jyly Memleket basshysy Qasym-Jomart Toqaevtyń Jarlyǵymen 1941–1945 jyldardaǵy Uly Otan soǵysynda kórsetken erligi, batyldyǵy, janqiiarlyǵy men soǵystan keiin memlekettik jáne qoǵamdyq qyzmetke belsendi qatysqany úshin «Halyq qaharmany» ataǵyn berilip, airyqsha erekshelik belgisi – Altyn juldyz jáne «Otan» ordenimen marapattaldy.
Al 99 jastaǵy soǵys ardageri Ivan Shevtsov Polsha men Chehoslovakiiadaǵy shaiqastarǵa qatysqan. II dárejeli «Uly Otan soǵysy», «Qyzyl Juldyz» ordenderimen marapattalǵan.
Aimaq basshysy qos ardagerdi merekemen quttyqtap, Prezidenttiń joldaǵan quttyqtaýyn oqyp berdi. Mereitoilyq medal, 5 million teńgeniń sertifikaty men oblys ákimdiginiń arnaiy syilyǵyn tabys etti.
«Sizderdi Uly Jeńistiń 80 jyldyǵymen shyn júrekten quttyqtaimyn! Bul – halqymyzdyń erligi men batyrlyǵynyń nyshanyna ainalǵan qasterli mereke. Ózderińiz jaqsy bilesizder, Memleket basshysy soǵys ardagerlerine árdaiym erekshe qurmetpen qaraidy. Sizderdiń Otanǵa degen sheksiz súiispenshilikterińiz ben janqiiarlyq erlikterińiz urpaqqa úlgi bola beredi. Aramyzda aman-esen júrgenderińiz biz úshin úlken qýanysh, zor mártebe. Biz sizdermen árqashan maqtanamyz», - dedi aimaq basshysy.
Erekshe atap óterligi, soǵys ardagerleriniń úiiniń aýlasynda Ulttyq ulannyń 5511 áskeri bóliminiń orkestri soǵys jyldarynyń ánderin shyrqady.
Qazirgi tańda Abai oblysynda úsh soǵys ardageri, 1700-ge jýyq tyl eńbekkeri bar.
