Oblys ákimi Berik Ýáli Úrjar aýdanynyń áleýmettik-ekonomikalyq damýy jáne aldaǵy josparlar týraly turǵyndarǵa esep berdi,- dep habarlaidy Dalanews.kz
Jiynda aldymen Úrjar aýdanynyń ákimi Aqylbek Bashimbaev 2024-2025 jyldardaǵy negizgi kórsetkishterge toqtalyp, atqarylyp jatqan jumystar týraly aitty.
Aimaq basshysy óńirdiń áleýmettik-ekonomikalyq damýy, sheshimin kútken máseleler jáne aldaǵy josparlar týraly baiandama jasady. Aýyl sharýashylyǵy, investitsiia, jylý jáne aýyz sý júieleri, jol, turǵyn úi, bilim berý, densaýlyq saqtaý, mádeniet pen sport salalaryn qamtyǵan negizgi baǵyttarǵa toqtaldy. Úrjar aýdany aýyl sharýashylyǵy alqaptarynyń kólemi boiynsha oblysta ekinshi orynda. Biyl aýdanda 113 myń gektar egistik jer igerildi. Sharýalardy qoldaý maqsatynda «Keń dala – 2» baǵdarlamasy arqyly oblysta 9,5 mlrd teńge nesie berilse, sonyń 1,9 mlrd teńgesi Úrjar aýdanynyń agrarlaryna baǵyttaldy. Aýyl sharýashylyǵyn damytýǵa arnalǵan 2028 jylǵa deiingi investitsiialyq jobalar kartasy aiasynda Úrjarda 7,8 mlrd teńgege 9 joba iske asyrylýda.
Aýyz sýmen qamtý boiynsha biyl oblysta 33 joba iske asyrylýda. Úrjar aýdanynda 5 aýylǵa aýyz sý tartylyp jatyr. Eginsý men Barqytbel aýyldaryndaǵy uzaqqa sozylǵan jobalardy qaita iske qosý úshin qosymsha qarjy bólindi. Jyl sońyna deiin Úrjar, Altynshoqy, Naýaly jáne Nekrasovka aýyldarynyń kósheleri jaryqtandyrylmaq.
Oblysta biyl 358 shaqyrym jol jóndelip jatyr. Úrjar aýdanynda Joǵarǵy Eginsý, Janai, Aqjar, Jańa Tilek, Qaraqol aýyldarynyń kóshelerine ortasha jóndeý jasaldy. Biyl oblys boiynsha 1146 jalǵa beriletin páter satyp alý josparlanǵan. Sonyń ishinde Úrjar aýdanynda 114 páter turǵyndarǵa beriledi.
Úrjar aýdanyndaǵy Abai atyndaǵy mektep-balabaqsha men Baýyrjan Momyshuly atyndaǵy mektepke kúrdeli jóndeý júrgizilip jatyr. Aýdannyń 11 mektebi men Besterek aýylyndaǵy «Tarbaǵatai» lageri aǵymdaǵy jóndeýden ótti. 7 mektepke pándik kabinetter, al Baýyrjan Momyshuly mektebine 425 jańa parta men ashana jabdyqtary satyp alyndy. Joǵarǵy Eginsý aýylynda 100 oryndyq klýb salynsa, Úrjar aýylynda Mádeniet úiiniń jobalyq-smetalyq qujattamasy ázirlenýde. Úrjar aýdandyq aýrýhanasyna jańa meditsinalyq jabdyqtar alynady. Jyl sońyna deiin aýdanda kúndizgi statsionary bar dárigerlik ambýlatoriia paidalanýǵa beriledi. Sonymen birge, balalarǵa áleýmettik qyzmet kórsetý ortalyǵynyń ǵimaraty kúrdeli jóndeýden ótýde.
Kezdesý sońynda turǵyndar oblys ákimine saýaldaryn qoiyp, usynys-pikirlerin jetkizdi. Úrjar aýylyna Mádeniet úii, sport kesheni, balabaqsha, meditsina qyzmetkerlerine jataqhana salý, test tapsyratyn ortalyq ashý, aýyz sý, jol jóndeý sekildi máselelerdi kóterdi.
«Úrjar aýdanyna osymen tórtinshi márte kelip otyrmyn. Úrjar – shejireli tarihy men eńbekqor halqy bar qasietti meken. Mundaǵy máselelermen jaqsy tanyspyn. Árine, aýdanda atqarylatyn jumys kóp. Sheshimin kútken máseleler ret-retimen, kezeń-kezeńimen sheshiledi», – dedi oblys ákimi.
