Olardyń negizgi mindeti – órt sóndirýshilerge ystyq tamaqty uıymdastyrý jáne jetkizý.
Órt sóndirý brıgadalarynyń jumysqa qabilettiligin qoldaý úshin eriktiler aýdannyń aýyldyq okrýgterinen ystyq tamaq daıyndap jetkizýde. Jergilikti kásipkerlerdiń qoldaýynyń arqasynda búgingi tańda 1000 lıtr taza aýyz sý, 200 kg qoı eti, 200 kg jarma, 5 qorap konserviler, 1000 nan ónimderi, 50 kg pıaz jáne basqa da qajetti ónimder qamtamasyz etildi. Sonymen qatar, jergilikti atqarýshy organdar 4 tonna aýyz sý berdi.
Beı-jaı qaramaıtyn azamattar órt sóndirýshilerge aýyz sý, plasıkalyq ydys-aıaq, azyq-túlik jáne jeke kútim quraldaryn usynýda. Eriktiler Borodýlıha jáne Ýspenka aýyldarynda ornalasqan dalalyq asúılerdiń jumysyn qoldaıdy.
Ystyq tamaqty úzdiksiz jetkizýdi qamtamasyz etýge shamamen 40 jeke kólik birligin paıdalanatyn 80-ge jýyq eriktiler qatysýda. Semeı qalasynyń turǵyndary da bul proseske kómek kórsetýde.
Aıta ketý kerek, órt aımaǵynda tek daıyndalǵan mamandar jumys isteıdi jáne qazirgi ýaqytta qosymsha jumys kúshine qajettilik týdyrmaıdy.
