ولاردىڭ نەگىزگى مىندەتى – ءورت سوندىرۋشىلەرگە ىستىق تاماقتى ۇيىمداستىرۋ جانە جەتكىزۋ.
ءورت ءسوندىرۋ بريگادالارىنىڭ جۇمىسقا قابىلەتتىلىگىن قولداۋ ءۇشىن ەرىكتىلەر اۋداننىڭ اۋىلدىق وكرۋگتەرىنەن ىستىق تاماق دايىنداپ جەتكىزۋدە. جەرگىلىكتى كاسىپكەرلەردىڭ قولداۋىنىڭ ارقاسىندا بۇگىنگى تاڭدا 1000 ليتر تازا اۋىز سۋ، 200 كگ قوي ەتى، 200 كگ جارما، 5 قوراپ كونسەرۆىلەر، 1000 نان ونىمدەرى، 50 كگ پياز جانە باسقا دا قاجەتتى ونىمدەر قامتاماسىز ەتىلدى. سونىمەن قاتار، جەرگىلىكتى اتقارۋشى ورگاندار 4 توننا اۋىز سۋ بەردى.
بەي-جاي قارامايتىن ازاماتتار ءورت سوندىرۋشىلەرگە اۋىز سۋ، پلاستيكالىق ىدىس-اياق، ازىق-تۇلىك جانە جەكە كۇتىم قۇرالدارىن ۇسىنۋدا. ەرىكتىلەر بورودۋليحا جانە ۋسپەنكا اۋىلدارىندا ورنالاسقان دالالىق اسۇيلەردىڭ جۇمىسىن قولدايدى.
ىستىق تاماقتى ۇزدىكسىز جەتكىزۋدى قامتاماسىز ەتۋگە شامامەن 40 جەكە كولىك بىرلىگىن پايدالاناتىن 80-گە جۋىق ەرىكتىلەر قاتىسۋدا. سەمەي قالاسىنىڭ تۇرعىندارى دا بۇل پروسەسكە كومەك كورسەتۋدە.
ايتا كەتۋ كەرەك، ءورت ايماعىندا تەك دايىندالعان ماماندار جۇمىس ىستەيدى جانە قازىرگى ۋاقىتتا قوسىمشا جۇمىس كۇشىنە قاجەتتىلىك تۋدىرمايدى.
