Borodýlıha aýdanynda kóktemgi dala jumystary bastaldy, - dep habarlaıdy Dalanews.kz

Aýyl sharýashylyǵy – aýdan ekonomıkasynyń negizgi baǵyttarynyń biri. Sol sebepti egis naýqany bıyl da erekshe nazarda.

Aýa raıynyń jaǵdaıyn eskere otyryp, kóktemgi egin jumystary josparly túrde júrgizilip jatyr. Sáýir aıynyń ózinde-aq 164.3 myń gektar alqaptyń topyraǵy ylǵal ustap qalý úshin óńdelgen.

Buǵan deıin kúzgi kezeńde 209 myń gektar alqap óńdelip, 6 054 gektar jerge kúzdik daqyldar sebilgen.

2025 jylǵa arnalǵan óndiristik baǵdarlama aıasynda 230 myń gektar jerdiń topyraǵyn ylǵal saqtaý maqsatynda óńdeý, 100 myń gektarda kóktemgi jer jyrtý jáne 315 myń gektarda egis aldyndaǵy daıyndyq jumystaryn júrgizý josparlanǵan.

Qazirgi tańda aýdanda jalpy 326 myń gektar jerge egin egý kózdelip otyr. Onyń ishinde dándi jáne dándi-burshaqty daqyldar 150,9 myń gektardy, maıly daqyldar 163 myń gektardy, al mal azyǵyna arnalǵan daqyldar 15 myń gektardy quraıdy.

Egis naýqanyna 1 700-den astam tehnıka, 2 100-den astam aýyl sharýashylyǵy quraldary tartylǵan. Jumysqa turaqty jáne maýsymdyq negizde barlyǵy 2 752 adam jumyldyrylǵan.

Qazir tuqym daıyndaý jumystary júrip jatyr. 18,7 myń tonna tuqymnyń 10,1 myń tonnasy zerthanalyq tekserýden ótken.