بورودۋليحا اۋدانىندا كٶكتەمگٸ دالا جۇمىستارى باستالدى, - دەپ حابارلايدى Dalanews.kz
اۋىل شارۋاشىلىعى – اۋدان ەكونوميكاسىنىڭ نەگٸزگٸ باعىتتارىنىڭ بٸرٸ. سول سەبەپتٸ ەگٸس ناۋقانى بيىل دا ەرەكشە نازاردا.
اۋا رايىنىڭ جاعدايىن ەسكەرە وتىرىپ, كٶكتەمگٸ ەگٸن جۇمىستارى جوسپارلى تٷردە جٷرگٸزٸلٸپ جاتىر. سەۋٸر ايىنىڭ ٶزٸندە-اق 164.3 مىڭ گەكتار القاپتىڭ توپىراعى ىلعال ۇستاپ قالۋ ٷشٸن ٶڭدەلگەن.
بۇعان دەيٸن كٷزگٸ كەزەڭدە 209 مىڭ گەكتار القاپ ٶڭدەلٸپ, 6 054 گەكتار جەرگە كٷزدٸك داقىلدار سەبٸلگەن.
2025 جىلعا ارنالعان ٶندٸرٸستٸك باعدارلاما اياسىندا 230 مىڭ گەكتار جەردٸڭ توپىراعىن ىلعال ساقتاۋ ماقساتىندا ٶڭدەۋ, 100 مىڭ گەكتاردا كٶكتەمگٸ جەر جىرتۋ جەنە 315 مىڭ گەكتاردا ەگٸس الدىنداعى دايىندىق جۇمىستارىن جٷرگٸزۋ جوسپارلانعان.
قازٸرگٸ تاڭدا اۋداندا جالپى 326 مىڭ گەكتار جەرگە ەگٸن ەگۋ كٶزدەلٸپ وتىر. ونىڭ ٸشٸندە دەندٸ جەنە دەندٸ-بۇرشاقتى داقىلدار 150,9 مىڭ گەكتاردى, مايلى داقىلدار 163 مىڭ گەكتاردى, ال مال ازىعىنا ارنالعان داقىلدار 15 مىڭ گەكتاردى قۇرايدى.
ەگٸس ناۋقانىنا 1 700-دەن استام تەحنيكا, 2 100-دەن استام اۋىل شارۋاشىلىعى قۇرالدارى تارتىلعان. جۇمىسقا تۇراقتى جەنە ماۋسىمدىق نەگٸزدە بارلىعى 2 752 ادام جۇمىلدىرىلعان.
قازٸر تۇقىم دايىنداۋ جۇمىستارى جٷرٸپ جاتىر. 18,7 مىڭ توننا تۇقىمنىڭ 10,1 مىڭ تونناسى زەرتحانالىق تەكسەرۋدەن ٶتكەن.
