Semei qalasyndaǵy oblystyq tarihi-ólketaný mýzeiinde Ulttyq dombyra kúnine arnalǵan «Uly dala únisiń sen, dombyra!» atty kórme uiymdastyryldy, - dep habarlaidy Dalanews.kz
Atalýly shara Ulttyq dombyra kúnin keńinen nasihattaýǵa jáne qazaq halqynyń tól óneri men mádeni murasyn dáripteýge baǵyttalǵan.
Kórmeniń negizgi maqsaty – ólketaný mýzeiiniń qorynda saqtalǵan, elimizdiń belgili aqyndary men óner qairatkerlerine tiesili jeke dombyralar arqyly qazaq halqynyń ulttyq rýhani murasyn keńinen tanystyrý, dombyranyń óner men mádeniettegi erekshe ornyn aishyqtaý.
Kórme barysynda kelýshiler tarihi tulǵalar paidalanǵan dombyralarmen tanysyp, olardyń shyǵarmashylyq joly men mádenietke qosqan úlesi týraly mol maǵlumat aldy. Ekspozitsiiada ulttyq aspaptyń ártúrli úlgileri men erekshelikteri kórsetilip, dombyranyń qazaq kúi óneri men án dástúrindegi mańyzy aityldy.
- Ulttyq dombyra kúni – halqymyzdyń rýhani bailyǵyn, tól ónerin ulyqtaityn mereke. Búgingi uiymdastyrylyp otyrǵan «Uly dala únisiń sen, dombyra!» atty kórmeniń maqsaty – qazaqtyń kieli aspaby arqyly ulttyq mádenietti nasihattaý. Bul kórme – bir ǵana mýzykalyq aspapty kórsetý emes, bul – tutas bir dáýirlerdiń, tarihi tulǵalardyń rýhyn sezindirý, jastarǵa ónege berý. Ata-babalardan miras bolǵan asyl óner arqyly biz jas urpaqtyń boiyna ulttyq qundylyqtardy sińire alamyz. Dombyra – halqymyzdyń úni, shejiresi, tektiliginiń nyshany. Osyndai rýhani-mádeni sharalar arqyly biz tól ónerimizge degen qurmetimizdi kórsetemiz. Kórmege arnaiy kelip, ataqty kúishiler men óner sańlaqtarynyń dombyralaryn kórýge kelgen barsha jurtshylyqqa alǵysymdy bildiremin, – dep atap ótti Semei qalasynyń oblystyq tarihi-ólketaný mýzeiiniń direktory Qairat Sabyrbaev.
Kórmege Abai dástúriniń jalǵastyrýshylary Saparǵali Álimbetov, Táńirbergen Ámirenov, dúldúl ánshiler Jánibek Kármenov, Bolat Sybanov, Keldenbai Ólmesekov, Meirambek Ahmetov, Kentaý Nazarbek, Berik Omarov, aqyndar Aqylbek Manabaev, Dámetken Omarbaeva, Abaidyń jieni Baltabek Ersálimov, kompozitor ári kúishi Rahymbek Noǵaibaev, belgili ǵalym Amantai Isin jáne basqa da óner qairatkerleriniń dombyralary qoiyldy.
